Hanałułu staŭ pieršym bujnym amerykanskim horadam, jaki zabaraniŭ piešachodam hladzieć u telefony, pisać paviedamleńni i vykarystoŭvać ličbavyja pryłady pry pierachodzie darohi.
Zabarona ŭstupić u siłu ŭ kastryčniku. Jana zaklikanaja źnizić kolkaść traŭmaŭ i śmierciaŭ pry «niaŭvažlivaj chadzie», paviedamlaje Bi-bi-si.
Parušalnikaŭ, jakija hladziać u elektronnyja pryłady — u tym liku noŭtbuki i kamery — buduć štrafavać na sumu ad 15 da 35 dalaraŭ. U vypadku paŭtornych parušeńniaŭ štraf moža vyraści da 99 dalaraŭ.
Vyklučeńnie praduhledžana dla zvankoŭ u ekstrannyja słužby, za ich karać nia buduć.
Hod tamu ŭłady niamieckaha Aŭhsburhu raźmiaścili čyrvonyja śvietłavyja syhnały na samim tratuary kala pierachodu, kab ich zaŭvažali navat tyja, chto nie hladzić pa bakach.
U kitajskim horadzie Cuncyn niekalki hadoŭ tamu zrabili vydzielenyja piešyja darožki dla ludziej z telefonami.