U polskim Urocłavie prajšli paŭfinalnyja bai pa muaj-taj u ramkach Suśvietnych hulniaŭ-2017.
Vital Hurkoŭ. Archiŭnaje fota budzma.by.
Biełarusu Vitalu Hurkovu supraćstajaŭ amierykaniec Troj Džons.
U druhim raŭndzie Troj Džons prapuściŭ ad biełarusa ŭdar kalenam u hałavu. Ale zdoleŭ praciahnuć boj.
U trecim raŭndzie amierykaniec jašče dvojčy pabyvaŭ u nakdaŭnie, paśla čaho refiery spyniŭ boj, piša tribuna.com.
Napiaredadni Hurkoŭ pieramoh u čverćfinale partuhalca Dyjoha Kaładu, jakomu prajhraŭ na chatnim čempijanacie śvietu.
U finale Vital Hurkoŭ sustreniecca z ukraincam Stanisłavam Pieržanoŭskim, jaki pieramoh čempijona śvietu-2017 Ivana Hryhorjeva.
Na žal, Hurkoŭ - adziny biełarus, jaki dajšoŭ da finału. Pavieł Dzialendzik (71 kh) i Mikita Šostak (81 kh) stali trecimi.