U Biełarusi 31 lipienia čakajecca da 33 hradusaŭ ciapła, 2 žniŭnia - da 36 hradusaŭ, paviedamili BiełTA ŭ Biełhidramietcentry.
U bližejšyja sutki prahnazujecca pieramiennaja vobłačnaść. Nočču budzie biez apadkaŭ, dniom pa paŭnočna-zachodniaj pałovie projduć karotkačasovyja daždžy, u asobnych rajonach - navalnicy. Viecier čakajecca zachodni, umierany. Tempieratura pavietra ŭnačy składzie 12-18 hradusaŭ vyšej za nul, dniom - da 27-33 hradusaŭ.
Pa paŭdniovaj pałovie krainy 1 žniŭnia, na bolšaj častcy respubliki 2 žniŭnia pavietra prahrejecca da 30-34 hradusaŭ vyšej za nul.
U asobnych rajonach pa poŭdni 2 žniŭnia tempieratura pavietra dasiahnie 35-36 hradusaŭ. U suviazi ź niespryjalnaj mietearałahičnaj źjavaj u krainie abjaŭleny aranžavy ŭzrovień niebiaśpieki.
