Dva čałavieki zahinuli i troje atrymali surjoznyja ranieńni ŭ vyniku stralaniny ŭ načnym kłubie ŭ horadzie Kanstanc, paviedamlaje miascovaja palicyja. Matyvy stralaniny nieviadomyja, adnak palicyja ŭžo vyklučyła viersiju teraktu, paviedamlaje Bi-bi-si.
Ranicaj u niadzielu 34-hadovy mužčyna adkryŭ ahoń i zabiŭ adnaho z naviednikaŭ kłuba.
Palicyja prybyła na miesca zdareńnia i adkryła ahoń pa strałku. Jon byŭ ciažka paranieny i paźniej pamior u lakarni.
Vidavočcy paviedamlajuć, što siarod paranienych - achoŭnik kłuba.
Palicyja paviedamlaje, što astatnim naviednikam kłuba ŭdałosia ŭciačy z budynku ci schavacca.
Pradstaŭnik palicyi paviedamiŭ telekanału N-TV, što strałok byŭ hramadzianinam Iraka, adnak nie źjaŭlaŭsia prasicielem prytułku ŭ Hiermanii, choć doŭhi čas tam žyŭ.
Palicyjanty paviedamili, što možna vyklučyć teraryzm z mahčymych pryčyn napadu.
«Matyvy hetaha čałavieka, jaki dziejničaŭ u adzinočku, niajasnyja. My praciahvajem rasśledavańnie, adnak nam stała bolš jasna, što adbyłosia na dyskatecy pierad stralboj, i heta dazvalaje nam vyklučyć terarystyčnuju padaploku taho, što adbyłosia», - skazaŭ pradstaŭnik palicyi.
Drukujecca ŭ miežach śpiecyjalnaj rubryki «Naviny Hiermanii»
