Pieršy biełaruski ekipaž pad kamandavańniem staršaha praparščyka Siarhieja Michno spačatku byŭ pryznany druhim u indyvidualnaj honcy tankavaha bijatłonu, jakaja prachodzić na padmaskoŭnym palihonie Ałabina (Rasija). Takaja infarmacyja raźmieščana na sajcie Minabarony Biełarusi, piša BiełTA.
U svaim zajeździe naš tank pakazaŭ druhi vynik. Paźniej sudździ pierahledzieli vynik zajezda i addali biełarusam pieršaje miesca.
Druhi i treci ekipažy vyjduć na trasu 1 i 5 žniŭnia adpaviedna.
Pa słovach miechanika-kiroŭcy staršaha praparščyka Vitala Bahrudzienki, jaki vystupiŭ u składzie pieršaha ekipaža, ciapierašniaja trasa tankavaha bijatłona maje šerah źmianieńniaŭ, i tolki paśla pieršaha kruha jon zmoh zrazumieć, jak bolš efiektyŭna pieraadolvać pieraškody. «Eskarpa i kalejny most stali prykmietna vyšejšyja, — adznačyŭ Vital. — Ale ŭ cełym prablem ź pieraškodami nie było: tank pieraadolvaŭ ich miakka, biez rezkich skačkoŭ i ŭdaraŭ. Paśla zajezdaŭ my zmožam ź inšymi ekipažami abmierkavać ŭsie zaŭvažanyja momanty na trasie».
Biełaruskija ŭdzielniki tradycyjna pakazali vysoki kłas pa stralbie - pacelili va ŭsie piać mišeniaŭ: try «tanki», «viertalot» i «RPH».
Pieršy etap tankavaha bijatłona - indyvidualnaja honka - samy praciahły. Jon pravodzicca ad 29 lipienia da 6 žniŭnia. Pa vynikach indyvidualnych zajezdaŭ budzie składzieny rejtynh najlepšych ekipažaŭ. U paŭfinalnuju estafietu vyjduć 12 kamand z 18. I tolki 4 najlepšyja zmohuć pazmahacca ŭ finale za miescy na pjedestale.
Tankavy bijatłon źjaŭlajecca častkaj armiejskich mižnarodnych hulniaŭ - 2017, jakija prachodziać ad 29 lipienia da 12 žniŭnia na terytoryi piaci dziaržaŭ: Biełarusi, Rasii, Kazachstana, Kitaja i Azierbajdžana. Prahrama hulniaŭ uklučaje 28 konkursaŭ pa palavoj, pavietranaj i marskoj vyvučcy.
