Prezident Rasii Uładzimir Pucin padpisaŭ pakiet papravak da zakanadaŭstva, jakija zabaraniajuć vykarystańnie srodkaŭ dla abychodu błakavańniaŭ. Pra heta havorycca na aficyjnym internet-partale pravavoj infarmacyi RF.
Pakiet papravak byŭ pryniaty Dziarždumaj RF 21 lipienia, a 25 lipienia atrymaŭ uchvału Savieta Fiederacyi. Pavodle papravak, FSB i MUS RF atrymajuć paŭnamoctvy znachodzić servisy, jakija dapamahajuć atrymlivać dostup da zabłakavanych u Rasii sajtaŭ. U vypadku, kali ŭładalniki takich servisaŭ nie zakryjuć dostup da zabaronienaj u Rasiei infarmacyi, servisy buduć zabłakavanyja.
Zabarona ananimajzieraŭ, VPN i inšych srodkaŭ, jakija dapamahajuć abychodzić błakavańnie sajtaŭ u Rasii, ustupić u siłu ź listapada 2017 hoda, paviedamlaje meduza.io.
