Indyjskija vartavyja paradku kanfiskavali hruz z 1,5 tonami hierainu z karabla ŭ vodach Aravijskaha mora niedaloka ad zachodniaha štata Hudžarat.
Košt kantrabandy aceńvajecca u 550 000 000 dalaraŭ ZŠA, havorycca ŭ paviedamleńni indyjskich pamiežnikaŭ.
Praź Indyju, jakaja miažuje z Aŭhanistanam - najbujniejšym u śviecie vytvorcam apijataŭ, hałoŭnaha inhredyjenta hierainu - pralahaje maršrut kantrabandy hetych narkotykaŭ.
Pavodle źviestak upraŭleńnia AAN pa narkotykach i złačynnaści, hierain pravoziać vialikimi partyjam na čaŭnach praź Indyjski akijan da ŭschodniaj i paŭdniovaj Afryki.
U samoj Indyi isnuje vialikaja prablema z hierainavaj zaležnaściu ŭ paŭnočnym štacie Piendžab, jaki miažuje z Pakistanam. Pa dadzienych daśledavańniaŭ, bolš jak 860 000 mužčyn u hetym štacie va ŭzroście ad 15 da 35 hadoŭ prymajuć tyja ci inšyja narkotyki, a hierainavuju zaležnaść ź ich majuć kala 53%.