Čatyry čałavieki atrymali traŭmy ŭ łabavym sutyknieńni dvuch lehkavikoŭ na Stolinščynie. Pra heta paviedamili ŭ DAI UUS Bresckaha abłvykankama, piša Tut.by.
Avaryja adbyłasia 27 śniežnia, kala 10.10. Pavodle papiaredniaj infarmacyi, 27-hadovy kiroŭca Audi 100 jechaŭ pa trasie Stolin — Struha — Almany. Na zakruhleńni darohi naprava jon nie spraviŭsia z kiravańniem, vyjechaŭ na pałasu sustrečnaha ruchu i sutyknuŭsia z «Reno», jakim kiravała 40-hadovaja žančyna.
U vyniku DTZ 23-hadovaja pasažyrka Audi, a taksama kiroŭca i dva pasažyry «Reno» — 62-hadovy mužčyna i 63-hadovaja žančyna — atrymali traŭmy roznaj stupieni ciažkaści i byli špitalizavanyja
