Ŭłady Paŭdniovaj Karei majuć namier abmiežavać śpiekulatyŭnuju aktyŭnaść na rynku kryptavalut i razhladajuć mahčymaść poŭnaha zakryćcia kryptavalutnych biržaŭ u krainie, paviedamlaje Wall Street Journal.

«Ułady bolej nie mohuć pakidać biez uvahi anamalnuju situacyju z kryptavalutami i niematyvavana pierahrety» rynak kryptavalut, — havorycca ŭ paviedamleńni ŭradu.

Inicyjatyvy ŭradu, jakija mohuć pačać ažyćciaŭlacca ŭžo sa studzienia, ŭklučajuć u siabie zabaronu na vykarystańnie ananimnych kryptavalutnych rachunkaŭ, a taksama pazbaviać banki mahčymaści akazvać raźlikovyja pasłuhi dla ananimnych apieracyj z kryptavalutami — paviedamiŭ paŭdniovakarejski ŭrad.

Na minułym tydni birža kryptavalut Youbit abvieściła pra spynieńnie dziejnaści i bankructva. Jana ŭ druhi raz za vosiem miesiacaŭ stała achviaraju chakierskaj ataki i ŭ vyniku straciła častku aktyvaŭ u ličbavych valutach.

Paŭdniovaja Kareja źjaŭlajecca važnym elemientam kryptavalutnaj sistemy śvietu. U peŭnyja pieryjady kala čverci abjomaŭ ŭsiaho handlu bitkojnami ažyćciaŭlałasia ź jaje terytoryi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?