globallookpress
Narviežka Maryt Bjorhien stała bronzavym pryzioram łyžnaj honki na 10 km volnym stylem z raździelnym startam na Alimpijadzie ŭ Pchiončchanie. Hety miedal staŭ dla jaje 12-m u karjery (šeść załatych, čatyry siarebranyja i dva bronzavyja). Raniej u Pchiončchanie jana zavajavała sierabro ŭ skijatłonie.
U ahulnym śpisie ŭładalnikaŭ najbolšaj kolkaści alimpijskich uznaharod na zimovych Hulniach (siarod mužčyn i žančyn) Bjorhien vyjšła na druhoje miesca, dahnaŭšy narviežskaha łyžnika Bjorna Deli, u jakoha taksama 12 miedaloŭ (vosiem załatych i čatyry siarebranyja). Jana sastupaje tolki narviežskamu bijatłanistu Ule-Ejnaru Bjorndalenu, jaki vyjhraŭ 13 uznaharod (vosiem załatych, čatyry siarebranyja i adzin bronzavy).
Bjorhien — 18-razovaja čempijonka śvietu, što taksama źjaŭlajecca rekordam dla łyžnych honak. Na Alimpijadzie ŭ Vankuviery jana zavajavała piać miedaloŭ (try zołaty, adno srebra i adnu bronzu), staŭšy samym paśpiachovym udzielnikam Hulniaŭ-2010.
Sočym za Alimpijadaj razam z Bukmiekierskaj kantoraj Marafon.
