Alaksandr Łukašenka pryniaŭ kadravyja rašeńni ab vyzvaleńni ad zajmanych pasadaŭ ministra lasnoj haspadarki Michaiła Amieljanoviča i ministra sportu i turyzmu Alaksandra Šamko za niepryniaćcie dziejsnych mier pa baraćbie z karupcyjaj i ekanamičnymi pravaparušeńniami ŭ padviedamasnych arhanizacyjach, piša BiełTA.

Kiraŭnik Administracyi prezidenta Biełarusi Natalla Kačanava ŭ kamientary adznačyła, što patrabavańni kiraŭnika dziaržavy pa bieskampramisnaj baraćbie z karupcyjaj u dziaržaŭnych orhanach i arhanizacyjach viadomyja. «Luby taki fakt nanosić niepapraŭnuju škodu imidžu ŭłady i hramadskim adnosinam u dziaržavie», — skazała jana.

«U suviazi z hetym kiraŭnik dziaržavy jašče raz źviarnuŭ uvahu kiraŭnikoŭ usich uzroŭniaŭ na ŭzmacnieńnie piersanalnaj adkaznaści pa vykanańni patrabavańniaŭ antykarupcyjnaha zakanadaŭstva, niedapuščeńni pravaparušeńniaŭ u hetaj śfiery. Da kiraŭnikoŭ, u padviedamnych arhanizacyjach jakich buduć ustanoŭleny padobnyja fakty, buduć prymacca samyja žorstkija, ale spraviadlivyja miery, uklučna z vyzvaleńniem ad zajmanych pasadaŭ», — padkreśliła kiraŭnik Administracyi prezidenta.

Piać faktaŭ pra adstaŭlenaha ministra sportu Alaksandra Šamko

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?