15 lutaha ŭ niamieckim horadzie Visbadenie na mohiłkach pravasłaŭnaj carkvy Śviatoj Lizaviety pachavali biełaruskaha aśvietnika i navukoŭca, hramadzianina ZŠA Barysa Kita, jaki pamior 1 lutaha ŭ Frankfurcie-na-Majnie na 108-m hodzie žyćcia, paviedamlaje «Radyjo Svaboda».

Carkva Śviatoj Jelizaviety ŭ Visbadenie Carkva Śviatoj Lizaviety ŭ Visbadenie.

«Barys prasiŭ, kab pachavańnie było cichim i spakojnym, — skazała Svabodzie žonka Kita Tamara Kazievič. — Słava Bohu, što ŭsio tak i prajšło, spakojna i hodna».

Žonka Barysa Kita Tamara Kazievič pieršaja źleva Žonka Barysa Kita Tamara Kazievič pieršaja źleva.

Na paminalnuju słužbu ŭ carkvie i raźvitańnie z Barysam Kitom pryjechała kala 30 čałaviek, u tym liku jaho žonka Tamara, jaje dačka Iryna i ŭnuk Alaksandar, jaki ŭ dziacinstvie časta byvaŭ u Barysa Kita.

Ź bielhijskaha Antverpena pryjechali biełarusy Miron Kryvič i Mikoła Ramanaŭ. Padčas słužby ŭ carkvie Miron Kryvič praśpiavaŭ pa-biełarusku psałom, dapamahaŭ śviataru ajcu Alaksandru. A na mohiłkach Miron uźniaŭ bieł-čyrvona-bieły ściah.

Miron Kryvič z Antverpena ŭźniaŭ ściah Miron Kryvič z Antverpena ŭźniaŭ ściah

28-hadovy biełaruski student z Majnca Alaksiej, jaki byŭ znajomy i siabravaŭ z Barysam Kitom apošnija 4 hady, pakryŭ jahonuju trunu bieł-čyrvona-biełym ściaham. Byli taksama biełarusy ź inšych niamieckich haradoŭ. Pryjechali supracoŭniki doma sastarełych, dzie Barys Kit pravioŭ apošnija 5 hadoŭ žyćcia.

Supracoŭnica Domu sastarełych Iryna ŭ mahiłu vysypała Navahradzkuju ziamlu Supracoŭnica Domu sastarełych Iryna ŭ mahiłu vysypała Navahradzkuju ziamlu

Ź Minska na pachavańnie pryjechali siabry Barysa Kita. Adzin ź ich, Jury Pašyk, pryvioz biełaruskuju ziamlu i vysypaŭ na trunu. Jon ža pryvioz bochan biełaruskaha chleba i stužku z nacyjanalnym arnamentam. Prysutnym razdali asobniki haziety «Narodnaja Vola» z artykułami pamiaci Barysa Kita.

Jury Pašyk syple ziamlu ź Miensku Jury Pašyk syple ziamlu ź Minska

«Heta była hłyba, a nie čałaviek. Jahony charaktar, jahony intelekt vyklikali zachapleńnie. Ja mieŭ honar być znajomym ź im z 1990-ch hadoŭ, my razam arhanizoŭvali mižnarodny navukovy kanhres u Minsku», — skazaŭ Svabodzie Jury Pašyk.

Žonka Barysa Kita Tamara (druhaja źleva) kala mahlity Kita Žonka Barysa Kita Tamara (druhaja źleva) kala mahlity Kita

Z amerykanskaj siamji Barysa Kita na pachavańnie nichto pryjechać nie zmoh. Starejšy syn Barysa Kita ŭžo pamior, a ŭ małodšaha, 68-hadovaha Viktara, dniami była aperacyja na nazie, jon abiacaŭ pryjechać na mahiłu baćki paźniej. Apošni raz Viktar naviedvaŭ Barysa Kita letaś.

Dačka Tamary Kazievič Iryna kidaje ziamlu na trunu Dačka Tamary Kazievič Iryna kidaje ziamlu na trunu

Pachavańnie adkłałasia amal na dva tydni, bo šukali dakumenty na ŭčastak pa pravasłaŭnych mohiłkach, jaki Barys Kit vykupiŭ jašče ŭ 70-ch hadach XX stahodździa. Śviatary ŭ carkvie Śviatoj Lizaviety ŭžo niekalki razoŭ pamianialisia, tamu adrazu dakumenty znajści nie ŭdałosia.

Mahiła Barysa Kita Mahiła Barysa Kita

Paśla śmierci Barysa Kita zastaŭsia archiŭ jahonych dakumientaŭ. Častkova hetyja dakumenty pieradaduć u Navahradzki muziej, a častkova — u Minsk, dzie siabry Barysa Kita chočuć arhanizavać pryśviečanuju jamu muziejnuju ekspazycyju.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?