Bijatłanistka Darja Domračava vyjhrała srebny miedal u bijatłonnym mas-starcie na 12,5 kiłamietra na Alimpijadzie-2018. U Darji Domračavaj byŭ tolki adzin promach. Nadvorje było spakojnym, tamu ŭmovy dla spartsmienak byli spryjalnyja.
Pieramahła ŭ honcy słavackaja spartsmienka Anastasija Kuźmina, ad jakoj Domračava adstała na 18,8 siekundy. Kuźmina ad samaha startu pierachapiła lidarstva.
Nadzieja Skardzina finišavała siomaj. Iryna Kryŭko — 26-aja.
Dla Domračavaj heta ŭžo piaty alimpijski miedal.
22 lutaha adbudziecca žanočaja bijatłonnaja estafieta, u jakoj biełaruski mohuć pazmahacca za jašče adzin miedal.
***
Heta druhi alimpijski miedal u skarboncy biełaruskaj kamandy — učora alimpijskaj čempijonkaj pa frystajle stała Hanna Huśkova.
Sočym za Alimpijadaj razam z Bukmiekierskaj kantoraj Marafon.