Minski haradski šmatprofilny kliničny centr adkryjuć u byłych karpusach lečkamisii, paviedamiŭ 22 lutaha na pres-kanfierencyi staršynia kamiteta pa achovie zdaroŭja Minharvykankama Siarhiej Małyška, pieradaje karespandent ahienctva «Minsk-Naviny».

— Paśla pieradačy budynkaŭ respublikanskaha kliničnaha miedycynskaha centra Kiraŭnictva spraŭ prezidenta na bazie 2-j haradskoj kliničnaj balnicy budzie sfarmavana pryncypova novaja, asablivaja miedycynskaja ŭstanova — Minski haradski šmatprofilny kliničny centr, kudy ŭvojduć stacyjanar i ambułatorna-kansultatyŭny adździeł, — udakładniŭ S. Małyška. — Na bazie novaha centra adkryjucca centry kalektyŭnaha karystańnia KT i MRT-dyjahnostyki, mamahrafii ekśpiertnaha ŭzroŭniu.

Pa słovach S. Małyški, z 3-j Minskaj kliniki ŭ novy centr pieraviaduć haradski centr kałapraktałohii z kansultatyŭna-dyjahnastyčnym adździaleńniem. Heta dazvolić istotna palepšyć umovy znachodžańnia pacyjentaŭ i pašyryć mahčymaści prymianieńnia vysokatechnałahičnych mietodyk u kałapraktałohii. Taksama tut adkryjuć kardyjałahičnaje adździaleńnie dla pacyjentaŭ z parušeńniami rytmu i anhijahrafičnym kabinietam, adździaleńnie małoj invaziŭnaj chirurhii.

— Stvareńnie šmatprofilnaha kliničnaha centra daść mahčymaść zachavać vysoki ŭzrovień akazańnia miedycynskaj dapamohi, a taksama pašyryć mahčymaści prymianieńnia vysokatechnałahičnych mietadaŭ dyjahnostyki i lačeńnia, — dadaŭ S. Małyška.

Клас
0
Панылы сорам
0
Ха-ха
0
Ого
0
Сумна
0
Абуральна
0