Maładafrontaviec i ciaślar Źmicier Daškievič 21 lutaha, u Dzień rodnaj movy, inicyjavaŭ zbor podpisaŭ u padtrymku biełaruskamoŭnaj adukacyi, a taksama ab stvareńni Nacyjanalnaha ŭniviersiteta.
Źmicier Daškievič. Fota Voli Aficeravaj.
Pikiety byli rasstaŭlenyja pa ŭsiamu Minsku, a taksama ŭ niekatorych abłasnych centrach.
«Sabrali kala 2000 podpisaŭ, — kaža Daškievič. — Heta tyja, što sabranyja rukami, a nie ŭ internecie. Absalutna zadavoleny vynikam, nie čakaŭ, što tak mnoha ludziej padpišacca».
Pa słovach Źmitra, najlepiej padpisvalisia na Kastryčnickaj płoščy i ŭ Malinaŭcy. I tam, i tam sabrali kala 450 podpisaŭ. «A voś na Instytucie kultury pierachod vuzki, tamu ludzi słaba spynialisia», — kaža Źmicier.
Taksama pad pietycyjaj možna padpisacca ŭ internecie. Na dadzieny momant pad joj padpisałasia 330 čałaviek.
Što tyčycca inšych nasielenych punktaŭ, to ŭ Baranavičach udałosia sabrać kala 50 podpisaŭ. Išoŭ zbor u Červieni.
U paniadziełak Źmicier Daškievič płanuje pieradać sabranyja podpisy ŭ Saviet ministraŭ i Ministerstva kultury. Petycyja ŭtrymlivaje try asnoŭnyja punkty:
«1. raspracavać prahramu adradžeńnia biełaruskaj movy ŭ śfiery adukacyi; 2. stvaryć jurydyčnyja ŭmovy dla rehistracyi pryvatnych dziciačych sadkoŭ, škoł i VNU; 3. stvaryć pieršy biełaruskamoŭny Nacyjanalny ŭniviersitet».
