Marcos Brindicci / Reuters
Słužba biaśpieki mižnarodnaha aeraporta Buenas-Ajresa zatrymała hramadzianina Rasii. Pry dahladzie jaho rečaŭ palicyja vyśvietliła, što ŭ čamadanie jość dvajnoje dno, pad jakim byli vyjaŭlenyja 4 kh kakainu. Pra heta paviedamiła ministr biaśpieki Arhienciny Patrycyja Bułryč.
Pavodle jaje słoŭ, miery nadhladu stali bolš žorstkimi paśla taho, jak palicyja praviała śpiecapieracyju pa spynieńni kanała pastavak narkotykaŭ z Arhienciny ŭ Rasiju.
Imia padazravanaha nie nazyvajecca. Nie paviedamiła Bułryč i pra toje, kudy nakiroŭvaŭsia z Arhienciny rasijski hramadzianin.
Vydańnie Clarin miž tym paviedamiła, što 50-hadovy rasijanin byŭ aryštavany jašče ŭ minułuju niadzielu. Nakiroŭvaŭsia jon u mižnarodny aeraport niamieckaha horada Frankfurt-na-Majnie na samalocie avijakampanii Lufthansa.