U kitajskaj sacyjalnaj sietcy Weibo zabaranili vykarystoŭvać łacinskuju litaru N, a taksama niekatoryja frazy i nazvy knih. Pra heta paviedamlaje vydańnie China Digital Times.
Z pošukavaj vydačy servisu źnikli niekalki dziasiatkaŭ zapytaŭ. Žurnalisty źviazvajuć uzmacnieńnie žorstkaści rehulavańnia sacsietki ź niadaŭniaj prapanovaj Kamunistyčnaj partyi Kitaja admianić kanstytucyjnyja abmiežavańni prezidenckaha termina ŭ krainie. Pa słovach prafiesara kitajskaj movy Piensilvanskaha univiersiteta Viktara Majra, cenzary pryniali «chutkija i rašučyja miery» paśla taho, jak internet byŭ «zavaleny skarhami».
Łacinskaja litara N, chutčej za ŭsio, patrapiła pad udar, bo jana vykarystoŭvajecca ŭ słovazłučeńni «N terminaŭ na pasadzie», dzie N paznačaje niavyznačanuju kolkaść. Razam ź joj maderatary prybrali z pošuku frazy «nie zhodzien», «kult asoby», «pažyćciovy» i jašče kala 50 vykazvańniaŭ. Akramia taho, zabarona zakranuła antyŭtopii «Fierma», «1984», «Dzivosny novy śviet» i knihi pra hramadzianskuju vajnu ŭ Kitai.
