U Homielskaj vobłaści na praciahu sutak zaviali dźvie kryminalnyja spravy ab złačynstvach suprać pałavoj niedatykalnaści małaletnich.
Paciarpiełaj pa pieršaj spravie pryznali 12-hadovuju dziaŭčynku.
Padazravany — jaje 38-hadovy dziadźka. Supraćpraŭnyja dziejańni ździajśnialisia ŭ vioscy, kudy dziaŭčynka pryjazdžała pahaścić da babuli. Tam mužčyna prystavaŭ da plamieńnicy.
Druhuju spravu zaviali na 40-hadovaha žychara Lelčyckaha rajona.
U siaredzinie lutaha niepracujučy sielski žychar, jaki złoŭžyvaŭ śpirtnymi napojami, pryjechaŭ u Mazyr. Mužčyna vioŭ badziažny ład žyćcia, načavaŭ u padvałach i padjezdach šmatpaviarchovych damoŭ. Pa viersii śledstva, 20 lutaha a 20 hadzinie padazravany, znachodziačysia ŭ stanie ałkaholnaha apjanieńnia, na techničnym paviersie doma ździejśniŭ raspusnyja dziejańni ŭ dačynieńni da chłopčyka, 2005 hoda naradžeńnia.
U dačynieńni da abodvuch złamyśnikaŭ abranaja miera strymańnia ŭ vyhladzie zaklučeńnia pad vartu. Ź ich udziełam pravodziacca śledčyja dziejańni.
