Kandydat u prezidenty Rasii Uładzimir Žyrynoŭski nazvaŭ inšaha kandydata Ksieniju Sabčak «ahidnaj s*kaj» padčas debataŭ na telekanale «Rasija-1», jakija vioŭ televiadučy Uładzimir Sałaŭjoŭ.
Videa pierapałki trapiła ŭ internet. Kanflikt pamiž palitykami adbyŭsia padčas vystupu jašče adnaho kandydata — Siarhieja Baburyna. Žyrynoŭski pierapyniŭ Baburyna, paśla čaho Sabčak zaklikała jaho da spakoju. Lidar ŁDPR u adkaz skazaŭ joj: «Zatknisia ty, durnica».
Aściarožna! Videa ŭtrymlivaje niecenzurnuju leksiku! 18+
«Z vulicy nie treba siudy pryvodzić bazarnych dzievak. Brud heta ŭsio. «Dom-2» — heta tam raspusta. Chaj zatkniecca», — praciahnuŭ Žyrynoŭski. Sałaŭjoŭ paprasiŭ jaho trymać siabie ŭ rukach.
Sabčak zapiarečyła Žyrynoŭskamu, što «ŭdzielniki «Doma-2» pavodziać siabie prystojniej, čym Vy», i abliła jaho vadoj.
«Prybiarycie hetuju prastytutku, hety brud adsiul prybiarycie! Čorny brud, ahidnaja baba, ***** apošniaja!» — zakryčaŭ Žyrynoŭski. Viadučy paprasiŭ kandydataŭ trymacca prystojna.
Tranślacyja debataŭ viałasia ŭ žyvym efiry na Daloki Uschod. Pres-sakratar Sabčak Ksienija Čudzinava napisała ŭ fejsbuku, što jany pavinny byli vyjści ŭ efir u Maskvie a 23:15, ale ich pierasunuli na 00:15.
Sama Sabčak u instahramie padzialiłasia svaimi razvažańniami paśla zdareńnia: «Znachodžusia pad jarkim uražańniem teleefiru z Uładzimiram Volfavičam Žyrynoŭskim. Mnie navat pryjšłosia źlohku zamačyć dziadulu chałodnaj vadoj, kab kupiravać prystup, a to niebaraka prosta zajšoŭsia ŭ brydkasłoŭi. Napeŭna, z boku heta vyhladała sumna. A kali kryšačku abdumać toje, što adbyłosia, stanovicca jašče bolš sumnym.
U 90-ch, kali Žyrynoŭski uskarabkaŭsia na palityčnuju scenu, zdavałasia, što heta nie takoje ŭžo strašnaje zło: u krainy ŭsio napieradzie, i ŭžo adnaho błazna i chama my jak-niebudź vytrymajem. Minuła čverć stahodździa, a ničoha novaha, akramia błazna i chama, — praŭda, mocna pastarełaha, — z nami nie adbyłosia. I siońnia jon praciahvaje hrać hetuju sumnuju rolu, tolki dla taho, kab astatnim kandydatam było składana kazać ab sapraŭdy važnych rečach. Jaho śpiecyjalna trymajuć na lubych vybarach prezidenta jak zahradatrad, jaki ŭsio pieratvaraje ŭ cyrk i niedarečnaść. Usio heta vielmi i vielmi sumna na samaj spravie».
