Matevuš Adamski, jaki pracavaŭ dyrektaram Polskaha instytuta ŭ Minsku, bolš nie zajmaje hetuju pasadu, piša «Radyjo Svaboda».

«Matevuš Adamski bolš nie pracuje dyrektaram. Pa padrabiaznaści źviartajciesia ŭ MZS Polščy», — raspaviała supracoŭnica instytuta.

Sam Matevuš Adamski nie staŭ kamientavać pryčyny svajho sychodu z pasady, ale skazaŭ Radyjo Svaboda:

«Siońnia farmalna apošni dzień majoj misii ŭ Biełarusi. Heta byŭ vialiki honar — 18 miesiacaŭ słužyć majoj dziaržavie i ŭdzielničać u budavańni mastoŭ pamiž palakami i biełarusami, našymi najbližejšymi susiedziami. Dumaju, što nam ŭdałosia zrabić vielmi šmat dla raźvićcia dvuchbakovych adnosinaŭ u halinie kultury, mastactva, supolnaj spadčyny, navukovych kantaktaŭ i asabliva histaryčnaha dyjałohu.

Abiacaju, što budu dalej udaskanalvać svaju biełaruskuju movu i paniasu hetuju pryhožuju movu daloka ŭ śviet, a vy abiacajcie, kali łaska, što jaje budzie lepš čuvać u Biełarusi, kali my sustreniemsia iznoŭ».

Reahujučy na piśmovuju prośbu pra kamentar, u Ministerstvie zamiežnych spraŭ Polščy, Svabodzie paraili dačakacca piśmovaha adkazu i nie stali adkazvać na pytańnie pra pryčyny vyjezdu M. Adamskaha ź Minska. Ciapier abaviazki dyrektara vykonvaje jahony były namieśnik, ciozka pa proźviščy Tomaš Adamski.

Adreahavali na adjezd Adamskaha i pradstaŭniki biełaruskaj intelihiencyi.

Polski instytut u Minsku — heta ŭstanova z dypłamatyčnym statusam, jakaja pačała svaju dziejnaść u 1994 hodzie. Instytut zajmajecca papularyzacyjaj dasiahnieńniaŭ polskaj kultury, historyi i navuki, prezientacyjaj i achovaj polskaj spadčyny, naładžvańniem i raźvićciom kantaktaŭ, abmienam dośviedam i padtrymkaj dyjałohu pamiž Polščaj i Biełaruśsiu. Heta adzin z 25 Polskich instytutaŭ pa ŭsim śviecie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?