SWIMMING AUSTRALIA

SWIMMING AUSTRALIA

99-hadovy aŭstralijski płyviec, miarkujučy pa ŭsim, pabiŭ suśvietny rekord u svajoj uzrostavaj katehoryi pry zapłyvie na 50 mietraŭ volnym stylem.

Džordž Karanies pieraadoleŭ hetuju dystancyju za 56,12 siekundy na spabornictvach u štacie Kvinślend. Jon spaborničaŭ u uzrostavaj katehoryi 100—104 hady, bo ŭ krasaviku jamu spoŭnicca roŭna 100 hadoŭ.

Jon abyšoŭ papiaredni rekord 2014 hoda na 35 siekund. Zaraz vynik praviarajecca spartyŭnaj fiederacyjaj.

Sam Džordž Karanies kaža, što vielmi zadavoleny vynikam.

«Dla mianie heta byŭ uzorny zapłyŭ, dobra zbałansavany. Ja byŭ hatovy mocna ŭdaryć rukoj pa druhoj ścianie basiejna», — skazaŭ jon

SWIMMING AUSTRALIA

SWIMMING AUSTRALIA

Jon taksama kaža, što byŭ nieimavierna natchniony tym, jak šumna jaho padtrymlivali zaŭziatary.

U hetaj uzrostavaj katehoryi jon byŭ adzinym płyŭcom. Zapłyŭ byŭ arhanizavany śpiecyjalna dla taho, kab dać jamu šaniec pabić suśvietny rekord.

Džordž Karanies žyvie ŭ Bryśbienie. Pavodle jaho słoŭ, jon lubiŭ płavać u junactvie, ale viarnuŭsia da hetaha zaniatku tolki paśla taho, jak jamu spoŭniłasia 80 hadoŭ.

«Ja pierastaŭ płavać ŭ pačatku Druhoj suśvietnaj vajny i nie zajmaŭsia hetym, pakul nie vyjšaŭ na piensiju», — kaža jon.

Pavodle jaho słoŭ, płavańnie stała dla jaho fizična nialohkaj spravaj, ale tut dapamahaje padrychtoŭka. U siarednim jon chodzić u basiejn try razy na tydzień, a potym jašče i ŭ trenažornuju zału.

«U maim uzroście ŭsio adbyvajecca nie tak chutka … vielmi chutka stamlaješsia, ale kali viedaješ, što robiš, dasiahnieńni mohuć być prosta fantastyčnymi», - ličyć Džordž Karanies.

Papiaredni rekord u hetaj uzrostavaj katehoryi (1 chvilina i 31,19 siekundy) byŭ pastaŭleny brytancam Džonam Charysanam u 2014 hodzie.

Rekord Džordža Karaniesa zaraz pavinien być paćvierdžany Mižnarodnaj fiederacyjaj płavańnia FINA.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?