Prezident ZŠA Donald Tramp praciahnuŭ na hod termin dziejańnia sankcyj, uviedzienych u dačynieńni da Rasii praź situacyju na ŭschodzie Ukrainy. Pra heta havorycca ŭ vykanaŭčym ŭkazie kiraŭnika dziaržavy, tekst jakoha apublikavany na sajcie Biełaha doma.

Havorka idzie pra abmiežavańni, uviedzienyja 6 sakavika 2014 hoda, 16 sakavika 2014 hoda, 20 sakavika 2014 hoda, a taksama 19 śniežnia 2014 hoda.

Pavodle paviedamleńnia pradstaŭnikoŭ administracyi ZŠA, padaŭžeńnie sankcyj było źviazana z tym, što dziejańni Rasii «padryvajuć demakratyčnyja pracesy i instytuty va Ukrainie» i «pahražajuć miru i biaśpiecy».

6 sakavika 2014 hoda prezident ZŠA padpisaŭ ukaz, jaki ŭvodzić sankcyi suprać asob, jakija, z punktu hledžańnia Vašynhtona, niasuć adkaznaść za parušeńnie suvierenitetu i terytaryjalnaj cełasnaści Ukrainie.

Ukazam ad 16 sakavika byli zamarožanyja rachunki, aryštavana majomaść i admoŭlena ŭ vydačy vizaŭ šerahu rasijskich słužbovych asob. 20 sakavika śpis vysokapastaŭlenych asob, suprać jakich uviedzienyja abmiežavańni, byŭ pašyrany. Taksama byli ŭviedzienyja sankcyi suprać banka «Rasija».

19 śniežnia ŭsie taho ž 2014 hoda byŭ uviedzieny šerah sankcyj u dačynieńni da Kryma. U pryvatnaści, byŭ zabaronieny ŭvoz u ZŠA tavaraŭ, pasłuh abo technałohij z paŭvostrava.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?