Pradaviec rynku ŭ Ždanovičach skraŭ u kalehi 600 tys. rasijskich rubloŭ i 2 tys. dalaraŭ, paviedamlaje guvd.gov.by

Pravaachoŭniki zatrymali 30-hadovaha mužčynu, jaki skraŭ hrošy z handlovaha paviljona na rynku Ždanovičy. «Uładalnik kupiŭ valutu dla nabyćcia tavaru za miažoj. Mužčyna ŭ hutarcy skazaŭ pra heta svajmu kalehu — haspadaru kropki pa prodažy anałahičnaha tavaru (nižniaj bializny), jaki paśla i skraŭ bujnuju sumu», — raspaviali ŭ milicyi. Złamyśnik skarystaŭsia tym, što ŭ pracoŭny čas kluč ad handlovaha paviljona doŭhi čas znachodzicca ŭ zamočnaj śvidravinie, i zrabiŭ dublikat.

Centralnym (h.Minska) rajonnym adździełam Śledčaha kamiteta ŭ dačynieńni da fihuranta ŭzbudžanaja kryminalnaja sprava pa č.4 art.205 KK (kradziež). Zatrymanamu pradjaŭlenaje abvinavačvańnie, jon źmieščany pad vartu

Клас
Панылы сорам
Ха-ха
Ого
Сумна
Абуральна