Pryznačany novy kiraŭnik upraŭleńnia infarmacyi i hramadskich suviaziaŭ MUS. Miesca Kanstancina Šalkieviča zaniaŭ Hieorhij Jeŭčar.
Raniej Jeŭčar byŭ namieśnikam Šalkieviča, jašče raniej — uznačalvaŭ anałahičnaje ŭpraŭleńnie pry UUS Hrodzienskaha abłvykankama.
Hieorhij Jeŭčar
Niekali Jeŭčar trapiŭ u pramuju tranślacyju «Našaj Nivy» z adnaho z apazicyjnych mitynhaŭ — Jeŭčar prahulvaŭsia pa Kastryčnickaj płoščy i na biezdakornaj biełaruskaj movie skazaŭ, što ŭ niečym ź mitynhujučymi moža pahadzicca, a ŭ niečym — paspračacca.
Za što i čamu źniali Šalkieviča pakul nie jasna — byłyja padnačalenyja pra heta nie raspaŭsiudžvajucca.
Za čas šmathadovaj raboty Šalkievič zapomniŭsia publičnaj pikiroŭkaj z błohieram Matolkam, taksama niekali jon nie ŭbačyŭ rasijskaj simvoliki ŭ mašynie aršanskaha AMAPu.
Razam z Šalkievičam, darečy, z pasady pres-sakratara minskaj milicyi syšoŭ Alaksandr Łastoŭski.
Jak jon skazaŭ «Našaj Nivie», heta była nie adstaŭka.
«Ja dahetul pracuju ŭ ministerstvie. A čamu syšoŭ? Nu bo kolki možna ŭžo. Maje abaviazki pakul vykonvaje Natalla Hanusievič», — skazaŭ jon.
