U rozny čas u minułym i hetym hadach radyjeaktyŭny izatop jod-131 byŭ vyjaŭleny ŭ Narviehii, Finlandyi, Čechii, Polščy, Niamieččynie, Ispanii.
U pačatku sakavika 2018 hoda padčas pasłańnia Fiederalnamu Schodu Pucin prademanstravaŭ animacyju z rakietaj, jakaja lacić na poŭdzień praz Atłantyku i pavaročvaje nazad na poŭnač la zachodniaha ŭźbiarežža Paŭdniovaj Amieryki. Pry hetym jon udakładniŭ, što rakieta zapuskałasia ź jadziernaj ustanoŭkaj, jakaja ŭ chodzie palotu vyjšła na zadadzienuju mahutnaść i zabiaśpiečyła nieabchodny ŭzrovień ciahi.
Nils Biomier ličyć, što pry vyprabavańniach rakiety ź jadziernaj ustanoŭkaj peŭny vykid radyjoaktyŭnaści moh mieć miesca. Fizik pravioŭ anałohiju z vyprabavańniami jadziernych reaktaraŭ dla amierykanskaha atamalota, kali praz vysoki vykid radyjacyi z ruchavikoŭ na palihonie ŭ Ajdacha-Fołz prajekt pryjšłosia zakryć.
Adznačajecca, što pieryjad paŭraspadu jodu-131 składaje ŭsiaho 8 dzion, tamu jaho znachodžańnie ŭ atmaśfiery možna rastłumačyć tolki pracaj reaktara, u toj čas jak inšyja radyjeaktyŭnyja izatopy, takija jak cezij-137 ź pieryjadam paŭraspadu 30 hadoŭ, «maskujucca» vykidami Čarnobylskaj avaryi.