Raśsielhasnahlad z 9 sakavika ŭvodzić časovyja abmiežavańni na pastaŭki ŭ Rasiju pradukcyi žyviolnaha pachodžańnia z troch biełaruskich pradpryjemstvaŭ, paviedamlaje rehulatar.
Abmiažoŭvajucca pastaŭki z «Ahrakambinata «Snoŭ», «Biełaviežskich syroŭ» i z «Niaśvižskaha zavoda dziciačaha charčavańnia».
Taksama Raśsielhasnahlad uvodzić režym ŭzmocnienaha łabaratornaha kantrolu ŭ dačynieńni da pradukcyi «Babrujskmołoko», uzmocnieny kantrol uviedzieny ŭ «Kalinkavickim małočnym kambinacie» (Śvietłahorski filijał) i na «Ščučynskim masłasyrzavodzie».
Raniej Raśsielhasnahlad paviedamlaŭ, što płanuje abmiežavać pastaŭki małočnaj pradukcyi ź Biełarusi z 26 lutaha. Potym termin ustupleńnia ŭ siłu zabarony pieranosiŭsia spačatku na 6 sakavika, potym na 15 sakavika.