Aleh Kačan i Siarhiej Nierad. Fota: tennis.by
Žurnalisty Tut.by vyśvietlili, što były ministr sportu Biełarusi Aleh Kačan, adpraŭleny ŭ adstaŭku pa vynikach Alimpijady-2012 u Łondanie, paśla adstaŭki paśpieŭ pabyvać kiraŭnikom kampanii «BiełPakSnab», jakaja źjaŭlajecca suzasnavalnikam pakistanskaj kampanii MTW Pak Assembling Industries — dylera MTZ.
Zaraz Kačan ačolvaje «Tenisnuju škołu spartyŭnaha majsterstva», jakaja znachodzicca ŭ Respublikanskim centry alimpijskaj padrychtoŭki pa tenisie. Dadzienaja kampanija była zarehistravanaja bolš za 4 miesiacaŭ tamu, nieŭzabavie paśla prychodu na pasadu kiraŭnika «Biełaruskaj tenisnaj fiederacyi» Siarhieja Ciacieryna.
Aleh Kačan ŭžo ŭklučyŭsia ŭ aktyŭnuju dziejnaść. 3 sakavika jon prymaŭ udzieł u pasiadžeńni hałoŭnaha trenierskaha savieta tenisnaj fiederacyi, jak vynikaje ź infarmacyi na sajcie fiederacyi. Pobač ź im susiedničaŭ były namieśnik ministra sportu Siarhiej Nierad, asudžany ŭ 2014 hodzie na 5 hadoŭ kałonii ŭzmocnienaha režymu. U 2016 hodzie jon užo značyŭsia spartovym dyrektaram u Biełaruskim łyžnym sajuzie, dzie ŭ toj čas staršyniavaŭ Siarhiej Ciacieryn. Adnak u vieraśni 2017 hoda źbiraŭsia sychodzić z łyžnaha sajuza. Jak vyśvietliłasia, jon rušyŭ uśled ŭśled za Ciacierynym u fiederacyju tenisa. Zaraz Nierad źjaŭlajecca namieśnikam dyrektara tenisnaj fiederacyi.
