Isłamisckaja hrupoŭka «Džiejš al-Isłam» ŭziała na siabie adkaznaść za krušeńnie rasijskaha samalota An-26 pablizu avijabazy Chmiejmim ŭ siryjskaj pravincyi Alepa, paviedamlaje Lenta.ru sa spasyłkaj na vydańnie Ad-Diyar.
Jak pieradaje vydańnie, piać bajevikoŭ adkryli ahoń ź ciažkich kulamiotaŭ, kali samalot znachodziŭsia ŭ 100 mietrach ad ziamli. Pa słovach isłamistaŭ, jany źbili samalot u adkaz na prysutnaść rasijskich vojskaŭ va Uschodniaj Hucie.
Vajenna-transpartny samalot An-26 ŭpaŭ u siryjskaj pravincyi Łatakija 6 sakavika prykładna a 15:00, nie dalacieŭšy kala 500 mietraŭ da ŭźlotna-pasadačnaj pałasy na rasijskaj avijabazie Chmiejmim. Usiaho na borcie znachodzilisia 39 čałaviek.
