Prezident ZŠA Donald Tramp vyjhraŭ sud u pornaaktrysy Stefani Klifard, viadomaj jak Stormi Denijełs. Pra heta paviedamlaje ria.ru sa spasyłkaj na pres-sakratara Biełaha doma Saru Sanders.
Jana zajaviła, što suviaź z pornazorkaj — niapraŭda, i heta dakazana ŭ sudzie. Pa padrabiaznaści pres-sakratar prapanavała źviarnucca da advakata Trampa.
Raniej, 7 sakavika, zorka filmaŭ dla darosłych zajaviła, što padała ŭ sud na Trampa. Nahodaj dla pazovu stała składzienaje joju pahadnieńnie ab nievydavańni infarmacyi ab seksualnych suviaziach z prezidentam. Klifard śćviardžaje, što prezident, u adroźnieńnie ad jaje samoj, nie pastaviŭ na damovie svoj podpis, delehavaŭšy heta svajmu advakatu Majkłu Koenu. Aktrysa patrabavała pryznać pahadnieńnie niesapraŭdnym.
U Klifard i Trampa byli seksualnyja kantakty ŭ 2006-2007 hadach. U razhar prezidenckaj kampanii ŭ 2016 hodzie Koen zapłaciŭ pornaaktrysie 130 tysiač dalaraŭ za nievydavańnie infarmacyi. U Biełym domie hetyja dadzienyja nazvali chłuśnioj.
