Dźmitryj Valkoŭ i Maksim Ivanoŭ, jakija apynulisia pad zavałam šachty na «Biełaruśkalii», zahinuli. Pra heta pieršym paviedamiła salihorskaje vydańnie autorun.by. Infarmacyja taksama była ahučana ŭ efiry Pieršaha kanała.
Na 3 rudaŭpraŭleńni prypynienyja pracy pa razborcy zavału pad jaki, u vyniku raptoŭnaha vykidu soli i hazu, patrapili dvoje rabočych padziemnaha hornaha ŭčastka №10. Miescaznachodžańnie mašynista hornych vyjemačnych mašyn Maksima Ivanova i hornarabočaha vyčyščalnaha zaboju Dźmitryja Valkova ŭstanoŭlena, šachciory zahinuli. Z-pad zavału vyzvaleny samachodny vahon za jakim byli znojdzieny cieły šachcioraŭ.
Rasčystka viałasia ručnym i miechanizavanym sposabami: spačatku ŭ zavale rydloŭkami prachodziła tranšeja, zatym da začystki padklučaŭsia kaŭšovy pahruzčyk.