Sierchia Ramas. Fota: Vincent West / Reuters
Na 73-j chvilinie, kali lik byŭ 1:1, Ramas na piać chvilin adłučyŭsia z pola. Futbalist padbieh da hałoŭnaha sudździ, niešta jamu skazaŭ i pabieh u padtrybunnaje pamiaškańnie.
Za čas, što «Reał» hulaŭ u mienšaści, lik nie źmianiŭsia (1:1). Praź piać chvilin Kryšcijanu Ranałdu zabiŭ druhi hoł, i «Reał» pieramoh na vyjeździe.
Na paślamatčavaj kanfierencyi hałoŭny trenier «Reała» Ziniedzin Zidan paviedamiŭ, što futbalist biehaŭ u prybiralniu. «Jon trochi ab***raŭsia. Sierchia treba było terminova ŭ tualet, tamu jon źbieh i nieŭzabavie viarnuŭsia na pole», — rastłumačyŭ jon.
Sam Ramas u Twitter taksama heta paćvierdziŭ: «Klič pryrody. Syšoŭ-viarnuŭsia. Pierazaradziŭsia. Zabili hoł. Ciapier dadomu. Tak trymać!»
«Reał» abyhraŭ «Ejbar» ź likam 2:1. Kłub zajmaje treciaje miesca ŭ tablicy čempijanatu Ispanii. Lidziruje «Barsiełona».
