Fota: GETTY IMAGES
Jak stała viadoma Bi-bi-si, u spravie ab atručeńni ŭ Sołśbiery byłoha aficera HRU Siarhieja Skrypala i jaho dački Julii źjavilisia važnyja dokazy. Supracoŭniki antyterarystyčnaha padraździaleńnia brytanskaj palicyi znajšli astatki niervova-paralityčnaha rečyva ŭ piceryi Zizzi, dzie Siarhiej i Julija abiedali 4 sakavika.
Praź dźvie hadziny paśla naviedvańnia hetaj ustanovy 66-hadovy Siarhiej Skrypal i jaho 33-hadovaja dačka Julija byli znojdzienyja biez prytomnasc na łaŭcy ŭ parku.
Atručanyja nieviadomym niervova-paralityčnym rečyvam, jany pa-raniejšamu znachodziacca ŭ špitali ŭ krytyčnym, ale stabilnym stanie.
Adznačajecca, što nichto z astatnich naviedvalnikaŭ restarana nie paciarpieŭ.
Palicejski, jaki akazvaŭ pieršuju dapamohu atručanym, taksama praciahvaje zastavacca pad nahladam daktaroŭ.
Restaran Zizzi zastajecca ačeplenym razam ź jašče čatyrma miescami ŭ Sołśbiery — domam Skrypala, pabam Bishop's Mill, łaŭkaj u parku, dzie byli znojdzienyja atručanyja, i mohiłkami, jakija Skrapal z dačkoj naviedali ŭsiaho za niekalki hadzin da taho, jak byli znojdzienyja biez prytomnaści. Tam pachavanyja žonka i syn byłoha raźviedčyka.
Kiraŭnik MUS Brytanii pra atručvańnie Skrypala: «Nachabny i dziorzki krok»
