Žan-Mary Lo Pen. Fota: AFP
Udzielniki źjezda pravaj partyi «Nacyjanalny front» Francyi, jaki prachodzić u horadzie Lil, vyrašyli likvidavać post hanarovaha staršyni, jaki zajmaŭ Žan-Mary Lo Pen. Pra heta paviedamiŭ u niadzielu telekanał BFM, piša TASS.
U źjeździe brali ŭdzieł 1500 udzielnikaŭ. 79,9% ź ich vykazalisia za adabreńnie novaha statutnaha dakumienta, adznačaje telekanał.
Paviedamlajecca taksama ab pieraabrańni Maryn Lo Pen na pasadzie staršyni partyi. Jaje kandydaturu adnahałosna padtrymali ŭsie členy partyi na ŭnutrypartyjnym refierendumie, vyniki jakoha byli abvieščanyja na źjeździe. Heta ŭžo treci termin Maryn Lo Pen na pasadzie staršyni.
Žan-Mary Lo Pen stvaryŭ «Nacyjanalny front» ŭ 1972 hodzie i ŭznačalvaŭ partyju na praciahu 39 hadoŭ. U 2011 hodzie jon sastupiŭ svoj post svajoj dačce Maryn Lo Pien. U vyniku ŭźnikłych pamiž imi roznahałośsiaŭ adnosna kursu partyi Žan-Mary Lo Pen byŭ vyklučany ź jaje šerahaŭ u 2015 hodzie. Jon sprabavaŭ asprečyć hetaje rašeńnie praz sud, adnak prajhraŭ.
Tym nie mienš post hanarovaha staršyni za im byŭ zachavany. Adnak u 2016—2017 hadach 89-hadovy palityk nie byŭ dapuščany novym kiraŭnictvam ni na adno važnaje pasiadžeńnie. Žan-Mary Lo Pen źbiraŭsia pryjechać i na źjezdz ŭ Lil, ale paśla čarhovaha kanfliktu z dačkoj jon admoviŭsia ad hetych płanaŭ.
Nahadajem, za lidarku «Nacyjanalnaha frontu» Maryn Lo Pen na prezidenckich vybarach prahałasavali 34% francuzaŭ.