Si Czińpin (źleva) z Uładzimiram Pucinym. Fota kremlin.ru.
Deputaty Usiekitajskaha schodu narodnych pradstaŭnikoŭ adobryli papraŭki ŭ Kanstytucyju.
U kanstytucyju ŭniesienyja idei Si Czińpina pra novuju epochu raźvićcia sacyjalizmu z kitajskaj śpiecyfikaj.
Z kanstytucyi vyklučany abmiežavańni paŭnamoctvaŭ da dvuch terminaŭ zapar na znachodžańnie na pasadzie staršyni KNR i jaho namieśnika.
Suprać rašeńnia prahałasavali dva deputaty, troje ŭstrymalisia, amal 3 tysiačy ŭchvalili hetuju inicyjatyvu. Ciapier staršynia KNR Si Czińpin moža być pieraabrany na treci termin u 2023 hodzie.
Jon zaniaŭ pasadu staršyni KNR u 2013 hodzie, a za hod da hetaha staŭ hienieralnym sakratarom Centralnaha kamiteta Kamunistyčnaj partyi Kitaja.
Dziejučaja kanstytucyja KNR pryniataja ŭ 1982 hodzie. Papraŭki ŭ asnoŭny zakon ŭnosilisia ŭ 1988, 1993, 1999 i 2004 hadach.
