U Łatvii hramadzianina krainy abvinavacili ŭ špijanažy na karyść Rasii, paviedamlaje Delfi.lv.
Jamu inkryminujuć dva artykuły: ab niezakonnym zbory źviestak, što nie padlahajuć razhałošvańniu, z metaj pieradačy zamiežnaj dziaržavie i ab niezakonnym zachoŭvańni zbroi i bojeprypasaŭ.
U Hienieralnaj prakuratury Łatvii paćvierdzili, što abvinavačvańnie pradjaŭlenaje. Abvinavačany svaju vinu pryznaje całkam i raskajvajecca. Jamu pahražaje pazbaŭleńnie voli na termin da dziesiaci hadoŭ.
Prakuratura paćvierdziła, što špijanaž adbyvaŭsia na terytoryi Ałukśnienskaha kraju. Hramadzianin Łatvii na praciahu doŭhaha času pa daručeńni rasijskaj śpiecsłužby źbiraŭ źviestki ab infrastruktury Nacyjanalnych uzbrojenych sił. Jon supracoŭničaŭ z aficeram rasijskaj śpiecsłužby na terytoryi Rasii.