Fota: Saša Maj, «Vitiebskij kuŕjer»
U centry Lepiela raźmiaścili biłbord z partretami Dali, Cheminhueja, Hohala, Merylin Manro, Jasienina, Dastajeŭskaha, Van Hoha i nadpisam «Chvaroba nie škaduje navat hienijaŭ. Pakłapacisia pra psichičnaje zdaroŭje». Heta — rekłama Lepielskaj abłasnoj psichijatryčnaj balnicy. U sacsietkach abmiarkoŭvajuć biłbord: maŭlaŭ, pry čym tut Merylin i inšyja znakamitaści?
- Heta sacyjalnaja rekłama. My chočam, kab ludzi turbavalisia pra svajo psichičnaje zdaroŭje, — rastłumačyŭ TUT.BY hałoŭny ŭrač Lepielskaj abłasnoj psichijatryčnaj balnicy Alaksandr Kapytaŭ. — Znakamityja ludzi, namalavanyja na biłbordzie, pakutavali na rasstrojstva psichiki. I heta nie my adkryli ci prydumali — pra heta šmat infarmacyi ŭ šyrokim dostupie: i ŭ knihach, i ŭ filmach, i ŭ internecie. Chaciełasia b, kab biełarusy mienš pili, bolš dumali pra zdaroŭje, a pry niejkich prablemach nie bajalisia źviartacca da ŭračoŭ-psichijatraŭ. Darečy, na advarotnym baku biłborda raspaviadajecca pra našu lačebnuju ŭstanovu, pra ŭmovy, jakija tut jość.
Lepielskaja abłasnaja psichijatryčnaja balnica absłuhoŭvaje nasielnictva Lepiela, a taksama Lepielskaha, Aršanskaha, Biešankovickaha, Dokšyckaha, Sieńnienskaha, Čašnickaha, Ušackaha, Tałačynskaha rajonaŭ. Lačeńnie pravodziać psichijatry-narkołahi, psichaterapieŭty, psichołahi.
Pa statystycy miedustanovy, u 2017 hodzie tut było 1846 pacyjentaŭ.
