Bieśpiłotny aŭtamabil Google. Fota maje ilustracyjny charaktar. Handout/Reuters.
«Adzin z našych rezidentaŭ budzie zajmacca vyprabavańniem bieśpiłotnych aŭtamabilaŭ na elektryčnaj ciazie. Jany pastavili ŭžo ŭ Biełaruś dva takija aŭtamabili. Ciapier my aktyŭna prapracoŭvajem pytańnie z tym, kab pačać vyprabavańni, napracoŭvajem bazu dla ruchu hetaha prajekta napierad, tamu što jon sapraŭdy vielmi cikavy», — adznačyŭ Alaksandr Jarašenka, kiraŭnik biełaruska-kitajskaha industryjalnaha parku «Vialiki kamień».
Jak paviedamlałasia, damova z «Intelektualnym abstalavańniem» praduhledžvaje, što inviestar na praciahu 2018-2020 hadoŭ pabuduje navukova-daśledčy centr ahulnaj płoščaj bolš jak 30 tysiač m2. Abjom inviestycyj składzie kala $5 miljonaŭ.