Siaredniaja škoła № 11 Maładziečna vypłaciła kampiensacyju baćkam dziaŭčynki, jakaja zahinuła na ŭborcy bulby — 15 tysiač rubloŭ. Jašče 35 tysiač zastajecca vinny SVK «Choŭchłaŭ», piša Tut.by.
U siaredzinie studzienia sud vyrašyŭ pytańnie ab kampiensacyi maralnaj škody siamji Papčeni: pradpryjemstva «Choŭchłaŭ», dzie pracavaŭ kiroŭca hruzavika, abaviazali zapłacić 35 tysiač rubloŭ, a škołu № 11 - jašče 15 tysiač.
Dyrektary byli ašałomlenyja hetym rašeńniem. U «Choŭchłavie» kazali, što hetaja suma - amal miesiačny zarobak usich supracoŭnikaŭ. A škoła isnuje za srodki, jakija vyłučaje adździeł adukacyi vykankama, i ŭ samoj «niama ni kapiejki».
Tym nie mienš, pa słovach pradstaŭnika prafsajuza REP Leanida Sudalenki, rašeńnie suda baki nie abskardzili.
Škoła raspłaciłasia całkam jašče niekalki tydniaŭ tamu. Adkul uziali hrošy (u vykankamie - ci nie), tam nie ŭdakładniajuć.
«Praviali peŭnuju pracu, heta našy ŭnutranyja spravy. Hałoŭnaje, što my vykanali rašeńnie suda i vypłacili siamji kampiensacyju», - raspavioŭ dyrektar SŠ № 11 Alaksandr Lulkovič.
Druhuju častku kampiensacyi ad AAT «Choŭchłaŭ» rodnyja pakul nie dačakalisia.
Nahadajem, 29 vieraśnia 2016 hoda padčas uborki bulby pad Maładziečnam zahinuła vučanica 8-ha kłasa 13-hadovaja Viktoryja Papčenia — na jaje najechaŭ hruzavik. Kiroŭcu asudzili da 3 hadoŭ abmiežavańnia voli. A dvuch nastaŭnikaŭ škoły za niedahlad — da 2 hadoŭ abmiežavańnia voli biez nakiravańnia ŭ papraŭčuju ŭstanovu.
