Słužba biaśpieki Ukrainy pravodzić u paniadziełak bolš za 25 sankcyjanavanych pieratrusaŭ u roznych rehijonach Ukrainy ŭ asob, jakija spryjajuć Rasii ŭ praviadzieńni antyŭkrainskich akcyj.
Pra heta paviedamlaje ŭ Facebook pres-sakratar śpiecsłužby Alena Hitlanskaja.
Pavodle jaje słoŭ, padčas pieratrusaŭ užo kanfiskavanyja prapahandysckija materyjały, zbroja, vybuchoŭka i mnohija inšyja dokazy padryŭnoj pracy suprać Ukrainy.
«Na žal, siarod hetych hramadzian jość tyja, chto maje dačynieńnie da žurnalisckaha cecha, ale prynaležnaść da prafiesii nie moža być indulhiencyjaj ad zakonnaj adkaznaści za antydziaržaŭnyja dziejańni. Tamu prosim vas nie davać zaŭčasnyja acenki da apublikavańnia ŭsich materyjałaŭ», — piša Hitlanskaja.
Jana paabiacała, što bolš padrabiaznaja infarmacyja pra heta źjavicca na sajcie SBU paśla zaviaršeńnia ŭsich nieabchodnych pracesualnych dziejańniaŭ.
Pa infarmacyi «Ukrainskaj praŭdy», pieratrusy, u pryvatnaści, prachodziać u Kijevie, Dniapry, Charkavie i Adesie. U stalicy SBU pryjšła da žurnalista Juryja Łukašyna.
***
Jak viadoma, 8 sakavika kiraŭnik Centra vyzvaleńnia pałonnych «Aficerski korpus» Uładzimir Ruban byŭ zatrymany kamandnym punkcie z arsienałam zbroi.
U toj ža dzień u jaho doma praviali pieratrus.
Jamu było paviedamlena pra padazreńni pa č.1 art. 263 KK «Niezakonnaje abaračeńnie zbroi», i č.1 art.14 «Padrychtoŭka da złačynstva», č.3 st.258 «Terarystyčny akt».
Rašeńniem Šaŭčenkaŭskaha rajsuda Kijeva Ruban uziaty pad vartu na 60 sutak biez mahčymaści zakładu.
Čytajcie taksama:
«Tysiačy zahinułych, źbiralisia rasstralać centr Kijeva»: u SBU raspaviali ab praduchilenym terakcie
Novyja detali terakta ŭ centry Kijeva: SBU ŭdałosia pastavić videakantrol prosta ŭ mašynu, u jakoj pieravozili zbroju VIDEA
Kiraŭnik ukrainskaha «Centra vyzvaleńnia pałonnych» zatrymany pry sprobie ŭvozu arsienału zbroi z DNR. Imavierna, byŭ rasijskim ahientam
