Na staroncy va «Ukantakcie» ruchu Putin Team, jaki padtrymlivaje dziejnaha prezidenta Rasii, źjaviŭsia klip, nazvanyja administratarami supołki «himnam ruchu». Siarod vykanaŭcaŭ — Dzima Biłan, Ryhor Leps i Cimaci.
Aproč ich siarod aŭtaraŭ himna DJ Smash, Viktoryja Dajneka, hrupa «A-Studyjo», Palina Haharyna, Alaksandr Panajotaŭ i Niuša. Jon maje nazvu «Puciavodnaja zorka».
Kožny artyst vykonvaje pa nievialikim frahmiencie himna. Ich źjaŭleńnie na ekranie pieramiažoŭvajecca z vyjavami piensijanierki, šmatdzietnaj siamji, vajskoŭca ŭ formie i palicyjanta. Sam Pucin u tekście nie zhadvajecca.
Akramia artystaŭ estrady ŭ roliku źjaŭlajucca televiadučaja Julija Baranoŭskaja, šoumen Michaił Hałuścian, alimpijski čempijon Alaksiej Niemaŭ i muzyčny pradziusar ChinKong.
