Jeŭrasajuz nie stanie pryznavać vyniki vybaraŭ prezidenta Rasii na terytoryi Krymu. Pra heta ŭ chodzie sumiesnaj pres-kanfierencyi z ukrainskim prezidentam Piatrom Parašenkam zajaviła kiraŭnica dypłamatyi ES Fiederyka Mahieryni, paviedamlaje RBK.
«Niezakonnaja aneksija Kryma — heta parušeńnie mižnarodnaha prava. My taksama nie budziem pryznavać vyniki vybaraŭ prezidenta [Rasii], jakija tam [na terytoryi paŭvostrava] buduć pravodzicca», — skazała Mahieryni.
U svaim vystupie kiraŭnik dypłamatyi ES taksama adznačyła, što Jeŭrasajuz praciahnuć zaklikać «da pavahi pravoŭ ludziej», jakija pražyvajuć na terytoryi paŭvostrava, u tym liku zabaronieny ŭ Rasii Miedžlis krymska-tatarskaha naroda. «My budziem na vašym baku», - dadała jana.
Raniej ES praciahnuŭ jašče na 6 miesiacaŭ termin dziejańnia sankcyj suprać šeraha kampanij i fizičnych asob, jakich ułady Jeŭrasajuza abvinavačvajuć u dačynieńni da parušeńnia suvierenitetu Ukrainy. Zamarozka aktyvaŭ zakranuła 150 čałaviek i 38 jurydyčnych asob da 15 vieraśnia 2018 hoda.
