U efiry telekanała ANT vyjšła pieradača Dźmitryja Bačkova «Naša žyćcio», pryśviečanaja BNR. U efir byli zaprošanyja samyja roznyja hości: deputat Ihar Marzaluk, pradstaŭnik TBM Aleh Trusaŭ, staršynia BNF Ryhor Kastusioŭ, prarasijskija publicysty Alaksiej Dzierman i Piatro Piatroŭski, pradstaŭniki Instytuta historyi Akademii navuk.

«Historyja BNR raździalaje na dva łahiery. Što heta było: pieršaja sproba stvareńnia nacyjanalnaj dziaržavy ci prosta ŭtapičnaja mara, jakaja nie mahła atrymać šyrokuju narodnuju padtrymku», — skazaŭ va ŭstupie Dźmitryj Bačkoŭ.

Paśla demanstravali kadry, jakija niejkim čynam źviazanyja z BNR, pakazvali šmat bieł-čyrvona-biełych ściahoŭ, Pahoniu.

«Usio pačynałasia z Usiebiełaruskaha źjezdu, na jaho daŭ zhodu Lenin, a Stalin vydzieliŭ 50 tysiač rubloŭ. I hety źjezd prachodziŭ nie jak antysaviecki, na im byŭ pryviedzieny ŭvieś śpiektr biełaruskaha hramadstva. Paśla razhonu Usiebiełaruskaha źjezdu isnavała dźvie linii: beeneraŭskaja i biełnackamaŭskaja.

BNR — heta biełaruski palityčny prajekt, jaki, na žal, tak i nie staŭ dziaržavaj. Heta nie niamiecki prajekt. Heta byŭ pratest suprać haniebnaha Bresckaha miru», — skazaŭ Ihar Marzaluk.

«BNR była stvoranaja pa voli biełaruskaha naroda, BSSR była stvorana pa ŭkazcy z Maskvy. Biez BNR nie było b BSSR i Respubliki Biełaruś», — kazaŭ Ryhor Kastusioŭ.

Aleh Hajdukievič i Alaksiej Dzierman adrazu jaho pierabivali.

«Kali pačytajecie ŭstanoŭčyja hramaty, to tam sacyjalizm u čystym vyhladzie. Niama tam ideałohii BNF ci chryścijanskaj demakratyi», — dakazvaŭ sacyjalistyčnuju sutnaść BNR Marzaluk.

«My pavinny paźbiahać ahulnaha achajvańnia i ahulnaha ŭźvialičvańnia dziejačoŭ BNR. My hladzim na BNR abjektyŭna», — adznačaŭ dyrektar Instytuta historyi Viačasłaŭ Daniłovič.

«Nas peŭnyja palityčnyja siły pryvučyli, što heta dzień pratestu», — kazaŭ Aleh Hajdukievič. Nibyta ŭsie hetyja hady jamu niechta zaminaŭ adznačać 25 Sakavika ŭ RUUS Frunzienskaha adździełu ci ŁDPB.

«Biełarusy, jakija pastavili staŭku na Maskvu i balšavikoŭ, abyhrali ŭsich astatnich, i stvaryli realnuju dziaržavu. Piśmo Adolfu Hitleru padpisvała Biełaruskaja Rada i nijakaha dačynieńnia da BNR jany nie mieli», — miarkuje Ihar Marzaluk.

Cikava, što ludzi kštałtu Dziermana ŭsio adno zaklikali pakajacca za supracoŭnictva z akupantami. A Piatro Piatroŭski kazaŭ, što ŭ BNR byli tolki «himn, ściah, hierb i karta».

Cikava, što važnaść BNR pryznaŭ navat staršynia KPB Hieorhij Atamanaŭ. Jon nazvaŭ BNR «pieršaj sprobaj realizavać nacyjanalnuju dziaržavu biełarusaŭ».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?