Znajomim vas z čarhovaj piaciorkaj pretendentaŭ na smartfony Samsung Galaxy A8 i Samsung Galaxy A8+. Unuki ŭžo navučyli ich fatahrafavacca na mabilnyja telefony, uklučajciesia i vy!
Daša Bruńko raspaviała nam, što praces navučańnia babuli Ały i dziaduli Alaksandra Pitalenkaŭ ź Minska staŭ dla ich siamji sapraŭdnaj zachaplalnaj padziejaj: «Jany takija charyzmatyčnyja, što, kali b byli akciorami, abaviazkova atrymali b «Oskar»». Cikava, što dziadula Dašy ŭsio žyćcio byŭ zaŭziatym fatohrafam: užo ŭ pačatku 1970-ch hadoŭ jon samastojna rabiŭ kalarovyja zdymki. Zdorava, što ciapier, dziakujučy ŭnukam, jon umieje zdymać i na mabilny telefon. «Zastałosia adkryć dla ich śviet internetu», — stavić zadačy na bližejšuju budučyniu Darja.
67-hadovaj Irynie Łukinoj sa Słonima na 8 sakavika svajaki prezientavali sełfi-pałku. Jana tolki pačała vučycca fotamajsterstvu, ale ŭžo zapoŭniła svoj profil u instahramie. Tak paśla sychodu na piensiju Iryna lohka pierakvalifikavałasia z vychavalnicy ŭ insta-błohierku.
A heta — Zinaida Uładzimiraŭna Šabajłava sa svaimi blizkimi. Na fonie vioski Ržaviec, što na Mahiloŭščynie. Žančyna ŭsio žyćcio razmaŭlaje pa-biełarusku i vučyła rodnaj movie dziaciej: amal 30 hod jana adpracavała nastaŭnicaj u viaskovaj škole. Jak i lubaja babula, čakaje ad unukaŭ praŭnukaŭ. «Nad hetym mnie treba papracavać», — kaža adzin ź jaje ŭnukaŭ Michaił Narynkievič.
Taćcianie Mikałajeŭnie Kuŭšynavaj tak spadabałasia vučycca rabić sełfi, što jaje ŭnuku paśla było navat ciažka z usich fotazdymkaŭ abrać najlepšy, konkursny. Ale ŭ vyniku vybar spyniŭsia na hetym, dzie jana razam z čatyrma junymi členami ich siamji. Taćcianie Mikałajeŭnie chutka spoŭnicca 65 hod, usio žyćcio jana pracavała ŭ Instytucie bijaarhaničnaj chimii Akademii navuk. A na piensii nie moža biez svajho ŭtulnaha lecišča.
Z hetaha soniečnaha aŭtapartreta na nas hladziać Maryja Fiodaraŭna Azbuka i jaje ŭnučka Natalla. Maryi — 77 hod. Jana žyvie ŭ vioscy Muraviejnica pad Kalinkavičami. «Kali my vučylisia rabić fota siabie, babula dziviłasia, vojkała i hałasiła, ale ŭsio atrymałasia», — raskazvaje Natalla.
Darečy, kvietki na fota — nie prosta tak! Heta siońniašniaje hałoŭnaje zachapleńnie Maryi Fiodaraŭny. Uvieś dvor spadaryni Azbuki zapoŭnieny kustoŭjem, kłumbami, žyvoj aharodžaj, a padakońniki prahinajucca pad hruzam novaj rasady.
Pra kaho z hetych hierojaŭ vy chacieli b pačytać bolš? Pišycie!
A my nahadvajem, što naš konkurs, u jakim my razyhryvajem smartfony Samsung Galaxy A8 i Samsung Galaxy A8+, praciahvajecca da siaredziny maja. Pretendavać na ich moža kožny z vas. I heta vielmi prosta.
Voś tut možna pačytać usie ŭmovy. Ź nieciarpieńniem čakajem vašych kalektyŭnych sełfi z babulami i dziadulami!
Čytajcie taksama:
Pieršaja piaciorka ŭdzielnikaŭ konkursu «Navučy babulu rabić sełfi»
Druhaja piaciorka ŭdzielnikaŭ konkursu «Navučy babulu rabić sełfi»
