Biełaruś hatova akazać sadziejničańnie Rasii ŭ raźvićci małočnaj haliny, zajaviŭ siońnia žurnalistam ministr sielskaj haspadarki i charčavańnia Biełarusi Leanid Zajac.

Napiaredadni ministr sielskaj haspadarki Rasii Alaksandr Tkačoŭ paviedamiŭ, što RF źbirajecca zabiaśpiečyć rynak małaka na 90 pracentaŭ ajčynnymi praduktami i ŭ pierśpiektyvie maje namier poŭnaściu zamiaścić impart.

Pavodle słoŭ Leanida Zajca, u biełaruskaha boku heta zajava nie vyklikaje chvalavańnia.

Naadvarot, u Biełarusi jość čamu pavučycca, kraina hatova padzialicca svaim vopytam z Rasijaj, uličvajučy, jakaja tam situacyja ŭ małočnaj žyviołahadoŭli.

«Nie dumaju, što treba siońnia adharodžvacca niejkim hłuchim płotam ad svajoj susiedki — Biełarusi. Usio ž taki ŭ našaj krainy jość čamu pavučycca, jość što pieraniać. Naša kraina hatova akazać sadziejničańnie Rasijskaj Fiederacyi ŭ chutčejšym dasiahnieńni zadač, pastaŭlenych maim kaleham. Napeŭna, vopyt Biełarusi i praktyčnaja dapamoha mahli b paŭpłyvać na dasiahnieńnie hetych pakazčykaŭ», - adznačyŭ ministr. Pavodle jaho słoŭ, ad rasijskich partnioraŭ i ciapier pastupaje niamała prośbaŭ ab akazańni sadziejničańnia ŭ pastaŭkach plemiannoj žyvioły, arhanizacyi budaŭnictva małočnych kompleksaŭ, pastaŭki nieabchodnaj techniki dla kormaŭborki, nasieńnia i h.d.

Da taho ž u Biełarusi stabilnaja epizaatyčnaja situacyja pa chvarobach žyvioł. «U nas niama siońnia lejkozu, tubierkulozu. U nas zdarovy statak, niama sibirskaj jazvy, jaščuru i h.d. Heta taksama vopyt Biełarusi, čamu b jaho nie vyvučyć, sumiesnymi namahańniami ź biełaruskimi śpiecyjalistami nie adaptavać na terytoryi Rasii», - skazaŭ ministr.

«Heta zajava absalutna nie pužaje - my dyviersifikujem rynki, i heta prykmietna pa vynikach minułaha hoda: u nas źmienšylisia pastaŭki na hałoŭny dla nas rynak - rasijski, pavialičylisia pastaŭki ŭ krainy SND, Kitaj, krainy Blizkaha Uschodu. I heta zajava nadaje jašče bolš upeŭnienaści dla taho, kab my išli na hetyja rynki», - dadaŭ jon.

Što datyčycca kankurencyi biełaruskich vytvorcaŭ z rasijskimi, to Leanid Zajac ličyć jaje zdarovaj i nie bačyć pryčyn dla stvareńnia štučnych barjeraŭ na rynku JEAES. «Heta ž zdarovaja kankurencyja. Bajacca svaich kankurentaŭ nie treba, - ličyć ministr.

— Treba, kab naš ahulny jeŭrazijski rynak napaŭniaŭsia praduktami charčavańnia z terytoryi JEAES. Pierš čym uvozić, dapuścim, małočnuju pradukcyju z Uruhvaja, Novaj Ziełandyi i hetak dalej, treba było b razhledzieć mahčymaści krain sajuza, dzie my siońnia zaklučyli dahavory ab sumiesnaj dziejnaści. Pavinny być partniorskija adnosiny, kab my vykanali zadaču, jakuju pastavili prezidenty našych krain».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?