Jeŭrazijskaja ekanamičnaja kamisija (JEEK) uzhadniła praciah terminu dziaržaŭnaha rehulavańnia cen na bieły cukar u Biełarusi. Adpaviednaje rašeńnie pryniata siońnia Kalehijaj JEEK.
«U suviazi sa zvarotam Respubliki Biełaruś Kalehija JEEK uzhadniła padaŭžeńnie terminu dziaržaŭnaha rehulavańnia cen na bieły cukar u krainie na 90 dzion — da 15 lipienia hetaha hoda», — adznačyli ŭ Kalehii JEEK.
Nahadajem, limitavaja minimalnaja roźničnaja cana biełaha kryštaličnaha cukru — jak uviezienaha, tak i vyrablenaha ŭ našaj krainie — pavinna być nie nižej za 1,5 rubli (z PDV). Pra heta havorycca ŭ pastanovie MART ad 4 śniežnia 2017 h. № 60.
