Vyšejšaja liha pastupova nabiraje abaroty i pačynaje prynosić pieršyja niespadziavanki. Kali lidarstva BATE pa vynikach dvuch turaŭ možna nazvać budzionnym, to dźviuch pieramoh ad «Dniapra», zdajecca, nie čakali navat niekatoryja zaŭziatary mahiloŭskaj kamandy.
U topie tablicy možna znajści i minskaje «Tarpieda», jakoje atrymała pieršuju pieramohu paśla viartańnia ŭ «vyšku». Minskaje «Dynama» padzialiła ački z «Isłačču», a «Šachcior» pakul boŭtajecca amal što na samym dnie z 1 ačkom u kišeni.
Razam z Bukmiekierskaj kantoraj Marafon praciahvajem sačyć za čempijanatam Biełarusi. U minułym tury my i sami pasprabavali zrabić prahnozy. Piać z vaśmi prapanavych vynikaŭ akazalisia trapnymi!
- «Pramień» — «Viciebsk»
- 13.04 / 17:45. Minsk, SAK «Alimpijski»
- Kaeficyjenty: «Pramień» (pieramoha) — 3.42; ničyja — 3.28; «Viciebsk» (pieramoha) — 2.14
Siurpryzaŭ nie atrymałasia: paśla ničyjoj u pieršym tury, z Bresta navičok «vyški» pradkazalna viarnuŭsia ni z čym. Tolki dziakujučy šmatlikim sejvam bramnika Dzianisa Šelichava «Pramień» prapuściŭ usiaho dvojčy. Zatoje na rachunku minskaj kamandy pieršy hoł u «vyšcy» — adznačyŭsia Raman Hryboŭski.
Dzianis Šelichaŭ adbivaje ŭdar Alaksieja Lahčylina. Fota Alaksieja Kamialkova.
«Viciebsk» u dadadzienyja arbitram chviliny vyrvaŭ pieramohu ŭ «Šachciora» i maje niebłahija šancy papoŭnić turnirnuju skarbonku jašče tryma bałami.
Prahnoz «NN»: «Viciebsk» nie sastupić.
- «Šachcior» — «Słuck»
- 13.04 / 19:45. Salihorsk, stadyjon «Budaŭnik»
- Kaeficyjenty: «Šachcior» (pieramoha) — 1.44; ničyja — 4.05; «Słuck» (pieramoha) — 8.10
Niahledziačy na status łakalnaha derbi, hulni hieahrafičnych susiedziaŭ asablivaj pryncypovaściu dahetul nie adznačalisia. «Słuck» pieramahaŭ «Šachcior» adnojčy amal dva hady tamu.
Z adnaho boku, ciapier dosyć prydatny čas dla padnačalenych Vitala Paŭłava, kab paŭtaryć hety pośpiech, bo «Šachcior» pieražyvaje vidavočny kryzis i na hetym tydni padpisaŭ užo dziasiataha lehijaniera.
Ale i sam «Słuck» pakul nie demanstruje jaskravaj hulni, tamu čarhovaha admoŭnaha siurpryzu ad salihorcaŭ čakać, zdajecca, nie varta.
Prahnoz «NN»: pieramoha «Šachciora».
- «Nioman» — «Dniapro»
- 14.04 / 16:00. Hrodna, CSK «Nioman»
- Kaeficyjenty: «Nioman» (pieramoha) — 2.20; ničyja — 3.28; «Dniapro» (pieramoha) — 3.28
«Nioman» krychu źbiŭsia z zapłanavanaha kursu na top-6. Dva tury — dźvie ničyje, u apošniaj hulni Andrej Jakimaŭ nie zabiŭ pienalci «Słucku» i pazbaviŭ Hrodna pieršaj pieramohi.
U minułym hodzie «Dniapro» taksama vydaŭ bojki start (3 pieramohi ŭ 4 turach), ale potym ledź nie vylecieŭ z vyšejšaj lihi. Tamu ŭ Mahilovie prykładuć maksimum namahańniaŭ, kab zachavać spakoj i praciahvać radavać zaŭziataraŭ. Ale ŭ «račnym derbi» heta budzie zrabić vielmi składana.
Prahnoz «NN»: pieramoha «Niomana».
- BATE — «Dynama-Brest»
- 14.04 / 18:00. «Barysaŭ-Arena»
- Kaeficyjenty: BATE (pieramoha) — 1.90; ničyja — 3.40; «Dynama-Brest» (pieramoha) — 4.10
BATE z Aleham Dułubam nie demanstruje jaskravaj hulni, ale spraŭna nabiraje ački. Zaŭziataraŭ BATE chvaluje hulnia kamandy ŭ druhich tajmach, u jakich inicyjatyva zvyčajna pierachodzić da supiernikaŭ.
Bresckaje «Dynama» vałodaje najlepšaj atakujučaj linijaj čempijanatu i takim padarunkam moža skarystacca. Ale z rostaru «bieła-sinich» časova vypaŭ Arciom Mileŭski, jaki vyvichnuŭ łokać u hulni z «Pramieniem», što moža surjozna paŭpłyvać na hulniu kamandy.
Fota Alaksieja Kamialkova.
Barysaŭcy pry svaich zaŭziatarach jaŭna pastarajucca ŭziać revanš u Bresta za parazu ŭ Supierkubku, tamu matč tura moža spaŭna apraŭdać svoj status.
Prahnoz «NN»: BATE nie sastupić.
- «Isłač» — «Tarpieda-BiełAZ»
- 14.04 / 19:45. Minsk, stadyjon FK «Minsk»
- Kaeficyjenty: «Isłač» (pieramoha) — 3.15; ničyja — 3.15; «Tarpieda-BiełAZ» (pieramoha) — 2.33
«Isłač» u minułym tury padzialiła ački ź minskim «Dynama», što možna razhladać jak prymalny vynik dla kamandy Vitala Žukoŭskaha. Treniera, darečy, aštrafavali na 490 rubloŭ za vychad na pole paśla hulni ź minskim «Tarpieda». Kłub i koŭč adreahavali na heta adkrytym listom na svaim sajcie.
Žodzincy ža paśla parazy ŭ pieršym tury paradavali zaŭziataraŭ chatniaj pieramohaj nad «Smalavičami». Fanaty adznačyli viktoryju efiektnym pira-šou.
Fota FK «Tarpieda-BiełAZ».
Prahnoz «NN»: ničyja.
- «Smalavičy» — «Minsk»
- 15.04 / 14:00. ah. Kastryčnicki, FOK
- Kaeficyjenty: Smalavičy (pieramoha) — 2.75, ničyja — 2.97, Minsk (pieramoha) — 2.75
Ni bukmiekiery, ni my nie zdolnyja vyznačyć u hetaj hulni favaryta. Ale ŭ budučaj baraćbie za zachavańnie miesca ŭ vyšejšaj lizie hety matč budzie mieć vielmi važnaje značeńnie.
«Smalavičy» narešcie zmohuć zhulać pry svaich zaŭziatarach. Ale matč adbudziecca nie ŭ rajonnym centry, a ŭ ahraharadku Kastryčnicki. Spadziajemsia, što susiedstva z brojlerami nie sapsuje prahlad hulni.
Prahnoz «NN»: totał mienšy za 2,5.
- «Homiel» — «Tarpieda-Minsk»
- 15.04 / 16:00. Homiel, stadyjon «Centralny»
- Kaeficyjenty: «Homiel» (pieramoha) — 1.70; ničyja — 3.48; «Tarpieda-Minsk» (pieramoha) — 5.30
«Tarpiedaŭcy» ŭ dobrym nastroi čakajuć pieršaj hulni za miežami Minska. U dvuch matčach na sintetycy «Kamvolščyka» kamanda nabrała 4 ački, a na hetym tydni da jaje dałučyŭsia sierbski forvard Džordže Šušniar.
Fota FK «Tarpieda-Minsk».
Hamielčuki tolki mohuć pazajzdrościć «aŭtazavodcam». 1 bał i 0 hałoŭ paśla dvuch turaŭ — jaŭna nie toje, na što raźličvali zaŭziatary. Ale heta nie zaminaje razhladać «Homiel» u jakaści favaryta matča.
Prahnoz «NN»: pieramoha «Homiela».
- «Haradzieja» — «Dynama-Minsk»
- 15.04 / 18:00. Haradzieja, stadyjon «Haradzieja»
- Kaeficyjenty: «Haradzieja» (pieramoha) — 4.05; ničyja — 3.34; «Dynama-Minsk» (pieramoha) — 1.93
«Haradzieja» niečakana dzielić apošni radok tablicy razam sa «Smalavičami» i ŭžo paśpieła adznačycca kadravym kanfuzam.
Na minułym tydni byŭ padpisany sierb Miłan Jaremič, ale debiut u hulni suprać «Tarpieda» ŭ bałkanca nie atrymaŭsia — jon vyjšaŭ na pole na 56-j chvilinie, ale praz 20 chvilin byŭ zamienieny. Siarhiej Jaromka žorstka vykazaŭsia pra lehijaniera i zapeŭniŭ, što bolš jaho ŭ kamandzie nie budzie.
Toj samy Miłan Jaremič pierad hulnioj z «Tarpieda». Fota FK «Haradzieja».
U papiarednija dva siezony kamanda ź Niaśvižskaha rajona taksama pačynała siezon ź dźviuch parazaŭ, ale ŭ trecim tury tolki pieramahała. Ale zdajecca, što zaraz hetaha nie adbudziecca: minskaje «Dynama» nastrojena bolš nie hublać ački paśla biezhalavoj ničyjoj z «Isłačču».
Prahnoz «NN»: «Dynama» nie sastupić.
Napieradzie vialikija vychodnyja. Pierad tym jak adpravicca na dačy, zavitajcie na hulniu svajoj lubimaj kamandy. A kab prahlad futboła byŭ bolš cikavym, raim zrabić staŭku ŭ Bukmiekierskaj kantory Marafon.
