Pra heta Alaksandr Łukašenka zajaviŭ siońnia na naradzie ab raźvićci zimovych vidaŭ sportu, piša BiełTA

«Usie pavinny razumieć, što nijakich pośpiechaŭ my nie dabjemsia da taho času, pakul nie stvorym efiektyŭnuju sistemu vychavańnia atletaŭ. Spartsmien — klučavoje źviano. Mienavita jon, jaho patreby i prablemy pavinny być u fokusie našaj uvahi. Zadača hubiernataraŭ —stvaryć na miescach dla dziaciej usie ŭmovy, uciahnuć ich u zaniatki sportam. - Sport pavinien stać nieadjemnaj častkaj žyćcia kožnaha dziciaci pačynajučy ź dziciačaha sadka».

Kiraŭnik dziaržavy daručyŭ zaniacca hetym pytańniem i Ministerstvu adukacyi. Pavodle jaho słoŭ, u škołach mała ŭvahi nadajecca spartyŭna-masavych mierapryjemstvaŭ. «Hetuju prablemu niejak treba vyrašać», — padkreśliŭ jon.

«Treba adciahnuć uvahu dziaciej ad niepatrebnych spraŭ, ale nie prymušać siłaj, a stvaryć śviatočnuju atmaśfieru, zacikavić dziaciej, dahrukacca da ich pa ŭsich napramkach, moža, navat praz sacyjalnyja sietki», - pastaviŭ zadaču Alaksandr Łukašenka.

Važna padklučyć da hetaj pracy i baćkoŭ, padkreśliŭ kiraŭnik dziaržavy. «Jany za ruku pavinny vieści svaich dziaciej na spartyŭnyja placoŭki», - skazaŭ jon.

U prykład jon pryvioŭ spabornictvy «Załataja šajba» i «Śniežny snajpier». Pa jakaści arhanizacyi, źviarnuŭ uvahu kiraŭnik dziaržavy, jany nie sastupajuć respublikanskim pieršynstvam, i baćki imknucca da taho, kab ich dzieci vystupali na hetych spabornictvach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?