Try miedali zavajavali biełaruskija atlety na 26-m čempijanacie śvietu pa spartyŭnaj akrabatycy, što zaviaršyŭsia ŭ bielhijskim Antvierpenie, paviedamlaje BiełTA.
Srebrany miedal u vystupie źmiešanych par zavajavali biełarusy Hanna Kaśjan i Kanstancin Jaŭstafjeŭ, jakija atrymali ad sudździaŭ 29,330 bała. Lepš vystupiła tolki para z Rasii — daśviedčanaja Maryna Čarnova i Hieorhij Pataru — 30,640. Treciaje miesca zaniali pradstaŭniki Bielhii.
Jak paviedamlałasia, biełaruskaja žanočaja kamanda pa spartyŭnaj akrabatycy ŭ składzie Julii Ivončyk, Vieraniki Nabokinaj i Karyny Sandovič zavajavała srebrany miedal. Jašče adna ŭznaharoda, bronzavaja, u zbornaj Biełarusi ŭ kamandnym turniry, dzie ŭličvalisia vyniki finałaŭ žanočych hrup, mužčynskich i źmiašanych par.
U čempijanacie śvietu pa spartyŭnaj akrabatycy ŭ Antvierpenie ŭziali ŭdzieł 170 spartsmienaŭ z 19 krain.
