Razam z Bukmiekierskaj kantoraj Marafon my praciahvajem sačyć za čempijanatam Biełarusi!
A ŭ im užo adbyłasia pieršaja trenierskaja adstaŭka! U minułuju piatnicu «Šachcior» upieršyniu sastupiŭ doma «Słucku», a Mareka Zuba za miežy pola supravadžali milicyjanty. Ciaham doŭhich vychodnych palak praciahvaŭ pracavać, davaŭ kamientary ŭ ŚMI i kiravaŭ kamandaj u sparynhu sa «Słavijaj» dniom u sieradu. Ale ničyjoj z kamandaj pieršaj lihi bosy «Šachciora» ŭžo nie vytrymali — viečaram taho ž dnia było abjaŭlena, što Marek Zub pakidaje kłub razam sa spartovym dyrektaram Dźmitryjem Chachłovym i ŭsim trenierskim štabam. Zamiena ŭžo znojdziena — heta rasijanin Siarhiej Tašujeŭ, jaki raniej treniravaŭ daniecki «Mietałurh», «Anžy» i «Kubań».
Pieršaja treniroŭka Tašujeva ŭ jakaści treniera «Šachciora». Fota: FK «Šachcior».
BATE pačynaje asvojvacca na viaršyni tablicy. U matčy z bresckim «Dynama» barysaŭčanie skarystalisia dźviuma pamyłkami hulcoŭ «bieła-sinich» i zdabyli ŭpeŭnienuju pieramohu. Treciuju ŭ troch turach! Kampaniju BATE składajuć minskaje «Dynama», «Viciebsk» i «Dniapro», u jakich na rachunku pa siem ačkoŭ.
Pieršyja ački nabrali «Smalavičy», zhulaŭšy ŭničyju z «Minskam». Pieramožcaŭ nie vyjaviłasia taksama ŭ hulniach «Niomana» i «Homiela», chacia my prahnazavali pieramohi kamandam z abłasnych centraŭ. Naohuł, znoŭ spraŭdzilisia 5 z 8 našych prahnozaŭ.
Zaraz raskažam vam pra matčy nastupnaha tura.
- «Pramień» — «Słuck»
- 21.04 / 14:00. Minsk, SAK «Alimpijski»
- Kaeficyjenty: «Pramień» (pieramoha) — 5.80, ničyja — 3.38, «Słuck» (pieramoha) — 1.68
Pieršapačatkova hety matč pavinien byŭ adbycca ŭ Słucku, ale kłuby damovilisia ab abmienie, tamu ŭ pieršym kruzie kamandy zhulajuć na sintetycy minskaha SAK «Alimpijski».
Takim čynam, minčanie zhulajuć doma druhi matč zapar, i heta niebłahi začyn dla pieršaj pieramohi «Pramienia» ŭ vyšejšaj lizie.
«Słuck» ža pieramoh u Salihorsku i sastupać namieraŭ nie maje. Ale paśla viktoryi nad adnym ź biełaruskich hrandaŭ važna nie dapuścić niedaacenki budučaha supiernika.
Prahnoz «NN»: totał mienšy za 2,5.
- «Dynama-Minsk» — «Homiel»
- 21.04 / 16:00. Minsk, stadyjon FK «Minsk»
- Kaeficyjenty: «Dynama-Minsk» (pieramoha) — 1.35, ničyja — 4.50, «Homiel» (pieramoha) — 9.90
Pry žadańni minčuki mohuć zładzić dla siabie futbolny marafon — i paśla hulni na Surhanava zavitać na Majakoŭskaha, dzie «Dynama» prymie «Homiel».
«Bieła-błakitnyja» hulajuć vielmi efiektyŭna jak u abaronie, tak i ŭ atacy. U troch turach kamanda Siarhieja Hurenki prapuściła ŭsiaho adnojčy, a 4 z 12 udaraŭ u stvor akazalisia vynikovymi.
U trecim tury «Dynama» ŭpeŭniena pieramahło ŭ Haradziei. Fota: FK «Dynama-Minsk».
«Homiel» moža pazajdrościć nie tolki efiektyŭnaści svaich supiernikaŭ, a navat najaŭnaści hałoŭ. Hamielčuki pakul adzinaja kamanda, jakaja nie zdoleła zabić u čempijanacie.
Zaŭziataram «Homiela» možna tolki paspačuvać — vierahodnaść praryvu ŭ hulni z prahmatyčnym «Dynama» amal što nulavaja.
Prahnoz «NN»: pieramoha «Dynama».
- «Tarpieda-BiełAZ» — «Minsk»
- 21.04 / 18:00. Žodzina, stadyjon «Tarpieda»
- Kaeficyjenty: «Tarpieda-BiełAZ» (pieramoha) — 1.56, ničyja — 3.56, «Minsk» (pieramoha) — 7.00
Pakul žodzincy — typova chatni kalektyŭ. Adzinaja pieramoha «Tarpieda-BiełAZ» adbyłasia ŭ Žodzinie, a z dvuch haściavych matčaŭ kamanda pryviezła tolki 1 bał.
Kiraŭnictva «Minska» na minułym tydni pabyvała ŭ Italii i damoviłasia ab supracoŭnictvie z kłubami Sieryi A «Kaljary» i «Atałantaj». Mahčyma, praź niekatory čas my zmožam pabačyć italjanskich hulcoŭ u składzie «haradžan», a pakul nazirajem «Minsk» kala samaha dna tablicy ź niajasnymi pierśpiektyvami.
Prahnoz «NN»: pieramoha «Tarpieda-BiełAZ».
- «Tarpieda-Minsk» — «Nioman»
- 22.04 / 14:00. Minsk, SAK «Alimpijski»
- Kaeficyjenty: «Tarpieda-Minsk» (pieramoha) — 3.44, ničyja — 2.92, «Nioman» (pieramoha) — 2.32
Abiedźvie kamandy ŭ čempijanacie pakul nie sastupali. A «Nioman» — navat i nie pieramahaŭ, usie try tury skončyŭšy ničyjoj. U sieradu hrodziency paśpieli zhulać pieršy paŭfinalny matč Kubka, dzie prajhrali BATE ź likam 0:2. Da matča ŭ Minsku padnačalenyja Ihara Kavaleviča pavinny padyści zvyšmatyvavanymi.
U «Tarpieda» atrymałasia paśpiachovaje viartańnie ŭ «vyšku», i kamanda Siarhieja Kabielskaha taksama prahnie praciahnuć svaju biasprojhryšnuju sieryju. Ale budzie vielmi niaprosta.
Prahnoz «NN»: «Nioman» nie sastupić.
- «Isłač» — «Haradzieja»
- 22.04 / 17:00. Minsk, stadyjon FK «Minsk»
- Kaeficyjenty: «Isłač» (pieramoha) — 2.00, ničyja — 3.26, «Haradzieja» (pieramoha) — 3.88
I znoŭ ža, dla samych zaŭziatych futbolnych amataraŭ jość mahčymaść naviedać dźvie hulni ŭ Minsku. Kali ŭ matčy na Surhanava moža vyznačycca kamanda, jakaja ŭpieršyniu sastupić u čempijanacie, to tut dylema nastupnaja — i «Isłač», i «Haradzieja» pakul nie pieramahali.
U abaronu «vaŭkoŭ» možna dadać, što tyja i nie sastupali, a dla «cukrovych» nijakich apraŭdańniaŭ niama — 0 ačkoŭ i bolš za ŭsich prapuščanych hałoŭ.
Ale Siarhiej Jaromka kaža, što viedaje, jak vypravić situacyju i što treba kryšačku patryvać. Pavierym trenieru «Haradziei» i pastavim na ich!
Prahnoz «NN»: «Haradzieja» nie sastupić.
- «Dynama-Brest» — «Smalavičy»
- 22.04 / 19:00. Brest, DASK «Brescki»
- Kaeficyjenty: «Dynama-Brest» (pieramoha) — 1.29, ničyja — 5.20, «Smalavičy» (pieramoha) — 10.50
Paciapleła, padrasła traŭka, i futboł viarnuŭsia na naturalny hazon DASK «Brescki». U sieradu na paŭfinalnaj hulni Kubka «Dynama-Brest» — «Dniapro» byŭ zafiksavany rekord hladackaha intaresu — na futboł pryjšli 7000 čałaviek. Futbalisty nie padviali, pieramahli ź likam 2:0 i amal harantavali sabie druhi zapar vychad u finał.
Nievierahodnaja atmaśfiera na futbole ŭ Breście. Fota Alaksieja Kamialkova.
Radasny nastroj amataraŭ «bieła-sinich» krychu sapsavała navina ab 4-matčavaj dyskvalifikacyi kapitana kamandy Alaksieja Haŭryłoviča za naŭmysnaje naniasieńnie traŭmy ŭ minułaj hulni suprać BATE. Ale «Dynama» rychtujecca da apielacyi i abarony svajho lidara.
Strata Haŭryłoviča nie pachisnuła favaryckaha statusu brestčan, tym bolš u ataku viarnuŭsia Arciom Mileŭski. Tamu asablivych prablem u hulni suprać «Smalavič» paŭstać nie pavinna.
Prahnoz «NN»: pieramoha «Dynama».
- «Dniapro» — «Šachcior»
- 23.04 / 18:45. Mahiloŭ, stadyjon «Spartak»
- Kaeficyjenty: «Dniapro» (pieramoha) — 5.80, ničyja — 3.38, «Šachcior» (pieramoha) — 1.68
U hetym siezonie kamandy ŭžo sustrakalisia — mahiloŭcy vybili «Šachcior» z Kubka Biełarusi.
Ab revanšy havorki nie idzie — tut «Šachcioru» naohuł pieramahčy b, choć jak. Užo zhadanaja pieratraska ŭ trenierskim štabie psichałahična pavinna dapamahčy kamandzie.
U «Dniapra» taksama prablemy. Maksim Čyž dyskvalifikavany na 4 hulni, Pavieł Łoŭhač — na 3. Kali apošni — hulec łaŭki, to strata Čyža moža surjozna adbicca na hulni kamandy.
Prahnoz «NN»: «Šachcior» nie sastupić.
- «Viciebsk» — BATE
- 23.04 / 20:45. Viciebsk, CSK «Viciebski»
- Kaeficyjenty: «Viciebsk» (pieramoha) — 6.60, ničyja — 3.44, BATE (pieramoha) — 1.61
Samy smačny matč zastaŭsia na desiert. Sustreča lidaraŭ i dźviuch samych vynikovych kamand.
Adzinaja prablema BATE na siońniašni dzień — traŭmy. U kubkavaj hulni z «Niomanam» surjoznaje paškodžańnie atrymaŭ Alaksiej Ryas, da hetaha vybyli Niemańja Miłunavič, Słabadan Simavič i Nikoła Vasiljevič.
U minułym tury ŭpieršyniu ŭ siezonie na poli źjaviŭsia Alaksandr Hleb. Taksama paŭabaronca zhulaŭ i ŭ Kubku suprać «Niomana». Fota Voli Trafimovič.
Zadača «Viciebska» — skarystacca kadravymi prablemami barysaŭčan. U minułym hodzie kamandzie Siarhieja Jasinskaha ŭdałosia pieramahčy doma, ci atrymajecca zaraz?
Prahnoz «NN»: BATE nie sastupić.
Znoŭ ža zaklikajem vas chadzić na stadyjony i zaŭzieć za ŭlubionyja kłuby. Inšych u nas niama. A kab prahlad futbołu byŭ bolš cikavym, raim zrabić staŭku ŭ Bukmiekierskaj kantory Marafon!
