Premjer-ministr Novaj Ziełandyi Džasinda Ardern vyjšła na sustreču z karalevaj Lizavietaj Druhoj u tradycyjnaj nakidcy maary — na radaść mnohim pradstaŭnikam karennaha naroda krainy.

Maary — karenny narod Novaj Ziełandyi — nosiać nakidku z ptušynych pioraŭ karavaj u asablivych vypadkach, ale jaje źjaŭleńnie ŭ jakaści pradmieta adzieńnia ŭ Łondanie na samicie krain Sadružnaści mnohich ździviła.

Adnak u hetym niama ničoha dziŭnaha. Karaleva taksama nosić takuju ž, kali naviedvaje Novuju Ziełandyju.

Fatahrafii Džasindy Ardern u nakidcy vyklikali pryliŭ honaru, entuzijazmu i padtrymki ŭ internet-karystalnikaŭ.

«Ja vielmi kranutaja hetym, — skazała Bi-bi-si Ranui Nharymu, starejšaja tkačycha plemia maary Nha Tachu. — Heta pryznańnie zasłuh i ŭłady žančyny».

«Uziać takuju reč, jakaja nastolki źviazana z hetaj krainaj, pryčym na takoje mierapryjemstva, viedajučy, što jaje buduć fatahrafavać z usich rakursaŭ — heta sapraŭdnaje pryznańnie jaje suviazi z narodam maary i z Novaj Ziełandyjaj ŭ cełym», - kaža Ranu.

Niečakana vyjhraŭšy ŭ 2017 hodzie vybary, Ardern stała samaj maładoj u śviecie žančynaj-premjer-ministram. A toj fakt, što jana čakaje dzicia, tolki dadaje važnaści nakidcy, bo, jak tłumačyć Dona Kempbeł, u dadzienym vypadku «jana jašče i słužyć čymści nakštałt abiarehu i maci, i dziciaci».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?